Дойду үрдүнэн саамай үрдүк хамнастаах үлэни Красноярскай кыраайга, Москубаҕа, Саха сиригэр, Ханты-Мансийскай уонна Ямало-Ненецкай автономнай уокуруктарга, ону таһынан, Санкт-Петербург куоракка булуохха сөп эбит.
Ол курдук, Москубаҕа 80 тыһ солк үөһэ хамнастаах 8 тыһ тахса үлэ миэстэтэ баар. Оттон Красноярскай кыраайга 7 тыһ тахса, Саха сиригэр 2,5 тыһ курдук, Ханты-Мансийскай, Ямало-Ненецкай автономнай уокуруктарга уонна Санкт-Петербург куоракка 1,5 тыһ үлэ миэстэтэ баар эбит.
Саха сиригэр ордук хостуур бырамыысалынас, оҥорон таһаарыы уонна консалтинг эйгэтин үлэлэрэ бастакы миэстэҕэ тураллар. Ханты-Мансийскай автономнай уокурукка — хостуур бырамыысалынас, тутуу уонна тыраанспар, Ямало-Ненецкай автономнай уокурукка — оҥорон таһаарыы, доруобуйа харыстабыла, тутуу уонна хостуур бырамыысалынас. Красноярскай кыраайга – тутуу, оҥорон таһаарыы, хостуур бырамыысалынас уонна тыраанспар. Москубаҕа уонна Санкт-Петербург куоракка информационнай технологиялар, тутуу, дьиэ-уот атыыта, оҥорон таһаарыы уонна тыраанспар.
“Работа в России” үлэ миэстэтин бүтүн Арассыыйатааҕы базата федеральнай судаарыстыбаннай информационнай систиэмэ буолар. Билиҥҥи туругунан манна 1,5 мөл тахса үлэ миэстэтэ уонна 950 тыһ үлэ көрдөөччүлэр резюмелара баар.
