Войти

Войти

Арассыыйа национальнай СМИлэрин Ассоциацияларын көҕүлээһининэн, быйыл иккис төгүлүн Бүтүн Арассыыйатааҕы “Пять лучших этнических изданий России” күрэх ыытыллынна. Балаҕан ыйын 24 күнүгэр, Сочи куоракка “Вся Россия-2019” XXIII аныгы суруналыыстыка сугулаанын кэмигэр Национальнай СМИлэр күннэрэ буолла. Ол чэрчитинэн күрэх бастыҥнарын ааттаатылар.

Национальнай хаһыаттар хаачыстыбаларын сыаналааһын “Национальнай СМИлэр Ассоциациялара” (бэрэссэдээтэл М.Н.Христофорова) көҕүлээһининэн, Арассыыйа Суруналыыстарын Сойууһа (бэрэссэдээтэл В.Г.Соловьев) уонна АРС-ПРЕСС (Альянс руководителей региональных СМИ России, толорооччу дириэктэр С.Б.Дубинская) өйөбүллэринэн ыытыллар.Күрэх партнердарынан “Иркутскайдааҕы ньиэп хампаанньата” ХЭУо, “Алеанс Независимых региональных издателей” кэммиэрчэскэйэ суох тэрилтэ, Союз Предприяий Печатной Индустрии (ГИПП), М.К.Аммосов аатынан ХИФУ Суруналыыстыкаҕа кафедрата буолаллар.

5luchshih2019 2

Бу дойдуга этническэй таһаарыыларга туһуламмыт аан бастакы анал күрэх буолар. Национальнай СМИлэр “10 лучших газет России” диэн дойду саамай улахан күрэҕэр кыттар кыахтара суох. Тоҕо диэтэххэ, күрэх дьүүллүүр сүбэтэ национальнай тылынан тахсар таһаарыылары, национальнай өрөспүүбүлүкэлэр суруналыыстарын маастарыстыбаларын сыаналыыр кыахтара суох. Инньэ гынан, “Пять лучших этнических изданий России” күрэҕи эрэгийиэннэргэ Суруйааччылар Сойуустарын чилиэннэрэ өйөөбүттэрэ – сөптөөх быһаарыы буолбута. Бу күрэх төрөөбүт тылынан тахсар таһаарыылар баай уопуттарын киэҥ эйгэҕэ тарҕатарга төһүү буолар. Күрэх сыала – төрөөбүт тыллары харыстааһын, сайыннарыы, таһымнарын үрдэтии, национальнай бэчээти, таһаарыылары сайыннарыы, таһымнарын үрдэтии буолар.

Быйылгы күрэххэ Арассыыйа 16 эрэгийиэниттэн 20 тылынан 51 таһаарыы кытынна. Саамай элбэх сайаапканы Саха сирэ – 14, былырыыҥҥы күрэх лиидэрэ – Башкортостан – 11, Удмуртия – 4, Татарстаан – 4 биэрбиттэр. Киһи үөрэрэ баар: быйылгы күрэххэ ордук ыччакка аналлаах таһаарыы элбэх. Ити национальнай бэчээт инникилээҕэр эрэли сахта.

5luchshih2019 3

«ПЯТЬ ЛУЧШИХ ЭТНИЧЕСКИХ ИЗДАНИЙ РОССИИ» БҮТҮН АРАССЫЫЙАТААҔЫ КҮРЭХ КЫАЙЫЫЛААХТАРЫНАН БУОЛЛУЛАР:

«Лучшая районная (муниципальная) газета» – «Үлэ күүһэ» Горнай улууһа, Саха сирэ.

«Лучшая газета» – «Удмурт дунне» («Удмуртский мир»), Удмуртия.

«Лучший журнал» – «Башкортостан кызы» («Дочь Башкортостана»), Башкортостан.

«Лучшее детское издание» – Журнал «Сабантуй.РТ», Татарстаан.

«Лучшее литературно-художественное издание» – Журнал «Кипиня», Карелия.

Кыайыылаахтарга саха биллэр скульптора Николай Чоччасов оҥорбут анал кубога, дьупулуом уонна харчынан бириэмийэ туттарылынна.

2 ИСТИЭПЭННЭЭХ ДЬУПУЛУОМУНАН НАҔАРААДАЛАННЫЛАР: 

Лучшая районная газета

«Үөһээ Бүлүү» хаһыат, Үөһээ Бүлүү улууһа.

Лучшая газета

«Башкортостан» хаһыат, Башкортостан.

Лучший журнал

«Байанай» сурунаал,Саха сирэ.

Лучшее детское издание

«Аманат» сурунаал, Башкортостан.

Лучшее литературно-художественное издание

«Күрүлгэн» сурунаал, Саха сирэ.

3-с ИСТИЭПЭННЭЭХ ДЬУПУЛУОМУНАН НАҔАРААДАЛАННЫЛАР: :

Лучшая районная газета

«Хезмэт» хаһыат, Татарстаан.

Лучшая газета

«Хабар» хаһыат, Хакасия.

Лучший журнал

«Марий сандалык» сурунаал, Марий Эл.

Лучшее детское издание

«Байр» сурунаал, Калмыкия.

Лучшее литературно-художественное издание

«Чолбон» сурунаал, Саха сирэ.

5luchshih2019 4

Үөрүүлээх тэрээһиҥҥэ күрэх партнера “Иркутскайдааҕы ньиэп хампаанньата” социальнай эппиэтинэс туһунан хампаанньа пресс-сулууспатын исписэлииһэ кэпсээтэ.

Быйылгы күрэх Башкортостан баһылыга Радий Хабиров патронатынан ыытылынна. Күрэх үгэскэ кубулуйбут эстафетатын – Национальнай СМИлэр күннэрин ыытар уонна эһиилги күрэҕи иилиир чиэһи Удмуртия өрөспүүбүлүкэтигэр үөрүүлээх быһыыга-майгыга туттардылар. Удмуртия баһылыга Александр Бречалов национальнай таһыырыылары өйүүрүн биллэрбит уонна үөрэ-көтө эһиилги күрэҕи чиэстээхтик ыытарга эрэннэрбит. Көһө сылдьар Кубогы Башкортостан бэчээккэ уонна СМИгэ Ааҕыныстыбатын салайааччы Борис Мелкоедов “Удмуртия” теле-араадьыйа хампаанньатын салайааччытыгар Марина Городиловаҕа туттарда. Бастакы күрэҕи Саха сирин баһылыга Айсен Николаев патронатынан ыыппыттыра.

5luchshih2019 5

Андрей ШИЛОВ

Источник: Yakutia24/Якутия24

Тарҕат:

Комментарии

Защитный код Обновить