Бүгүн, СӨ судаарыстыбаннаһын күнүгэр, Дьокуускай куорат килбэйэр киинигэр – “Эргэ куоракка”, биллиилээх политическэй диэйэтэл Степан Аржаковка анаммыт сквери арыйыы үөрүүлээх тэрээһинэ ыытылынна.
Ил Дархан уонна бырабыыталыстыба администрациятын салайааччы Афанасий Владимиров, Ил Түмэн мунньаҕын бэрэссэдээтэлэ Петр Гоголев, ону таһынан, Степан Аржаков сиэнэ уонна хос сиэнэ Юлия, Александр Усиктар кыттыыны ыллылар.
Саҥа сквер Дьокуускай куорат олохтоохторугар уонна ыалдьыттарыгар биир өйдөбүнньүк сир буоларыгар уонна үүнэр көлүөнэ ыччата Саха сирин устуоруйатын билэригэр үгүс үтүө тыл этилиннэ.
Мария Васильева хаартыската.
