2020 сыл олунньу 1 күнүттэн бассаап сорох төлөпүөннэргэ үлэлээбэт буолуоҕа. Ол туһунан бассаабы оҥорооччулар иһитиннэрэллэр.
Чуолаан “Android 2.3.x (Gingerbread)” уонна 2014 сыллаах “iOS 8” версиялаах төлөпүөннэргэ үлэлиэ суоҕа. Ол иһин, маннык төлөпүөннээх дьон операционнай систиэмэҕитин саҥардыаххытын наада. Кыаллыбат буоллаҕына саҥа төлөпүөн атыылаһаргытыгар тиийэҕит. Ону таһынан, бу сыл ахсынньы 31 күнүттэн “Windows Phone” бары версиялара үлэлээбэт буолуохтара.
Бассаап биир саамай тарҕаммыт сыһыарыы буолар. 2018 сыл олунньу ыйынааҕы көрдөрүүнэн 1,5 млрд киһи бассаабынан туһанар эбит.
