2020 сыл алтынньы 1 күнүттэн бүтүн Арассыыйатааҕы биэрэпис саҕаланыа. Бу туһунан СӨ бырабыыталыстыбатын пресс-сулууспата иһитиннэрэр.
12-с биэрэпис уратыта диэн, дьон судаарыстыбаннай өҥөлөр порталыгар киирэн биэрэпис электроннай лииһин толоруохтарын сөп. Эбэтэр МФЦ стационарнай учаастактарыгар тиийиэхтэрин сөп. Ону таһынан, биэрэпиһи оҥорооччулар планшеттаах дьиэлэринэн кэрийиэхтэрэ. Онлайн-биэрэпис кэнниттэн хас биирдии киһиэхэ “код” бэриллэр, ону биэрэпис оҥорооччуга көрдөрөр наада.
Судаарыстыбаннай статистика федеральнай сулууспатын Саха сиринээҕи салаатын территориальнай уорганын салайааччы Ирина Гаева этэринэн, цифровизация көмөтүнэн биэрэпис быдан судургу уонна түмүгэ түргэнник биллэр буолуоҕа. Ол курдук, бастакы түмүгэ 2020 сыл ахсынньы ыйыгар тахсар.
Биэрэпис ООН мэктиэтинэн 10 сыл буола-буола ыытыллар. Дойду үрдүнэн сүрүн биэрэпис алтынньы 1-31 күннэригэр ыытыллыа. Оттон эрэгийиэннэр ыраах сытар сирдэригэр биэрэпис ыытыллар болдьоҕун бэйэлэрэ быһаарар кыахтаннылар. Ирина Гаева бэлиэтииринэн, Саха сиригэр 2020 сыл атырдьах ыйын 1 күнүттэн 11 нэһилиэнньэлээх пууннарга биэрэпис саҕаланар. Оттон балаҕан ыйыгар 26 оройуоҥҥа 272 сиргэ ыытыллар. Онон алтынньы 1 күнүгэр диэри 30% нэһилиэнньэлээх пууннарга биэрэпис түмүктэниэхтээх.
Дастабырыанньалаах уонна анал таҥастаах биэрпис оҥорооччулар дьиэлэринэн кэрийэ сылдьыахтара. Биэрэпис бырагыраамматын ыйытыктара урукку курдук буолуохтара. Ол курдук, эр киһитэ-дьахтара, сааһа, гражданствата, омуга, ханнык тылынан саҥарара, үөрэҕэ, бас билэр дьиэтэ-уота, үлэтэ-хамнаһа. Саҥа киллэриилэр эмиэ баар буолуохтара. Холобур, дохуот туһунан ыйытыкка “хамнас”, “урбаан”, “бэйэ туттар табаарын оҥорон таһаарыы” диэн ыйыллар буолуоҕа. Үлэ-хамнас, көһүү (миграция), күннээҕи олоххо ханнык тылы туттуу ыйытыктара саҥардыллыахтара. Бары боппуруостар биэрэпис туһунан федеральнай сокуонунан бигэргэммиттэр.
Сэҥээриилэр
gelebilir. En yakın arkadaşınız sizin yanınıza kıvrılmayı en iyi başaran insanken niye kıllı
ve.
Here is my web page; Coed parmak küçük delik: https://kevinrouillard.fr/tk/sbm6ch
I'd ask. Would you be interested in trading links or maybe guest writing
a blog article or vice-versa? My website addresses a lot of the same topics as yours
and I feel we could greatly benefit from each other.
If you are interested feel free to shoot me an e-mail.
I look forward to hearing from you! Awesome blog by the way!
Also visit my blog ... Step-by-Step Guide to GPT Cash Machine Success: https://aiindustrynews.blogspot.com