Киирии

Киирии

ХИФУ Мииринэйдээҕи политехническэй институт Саха сиригэр ордук суолталаах. Ол курдук, алмаас, ньиэп-гаас бырамыысалынаһыгар, энэргиэтикэ салаатыгар, аангылыйа тыл тылбааһыгар үлэhиттэри бэлэмниир.

Институт тэриллиэҕиттэн ылата алмаас бырамыысалынаһыгар тыhыынчаттан тахса үлэhити бэлэмнээтэ. Тэхиньиичэскэй каадырдар тиийбэт кэмнэригэр,   институт үлэтиттэн бэрт үгүс тутулуктаах этэ дии саныыбын. Билигин ханна да буоллун идэтийиитэ суох үрдүк хамнастаах үлэ булар уустук. Оттон МПТИ бүтэрбит ыччат ханна барытыгар ирдэнэллэр. Саха сирин саамай тутаах тэрилтэлэригэр – “АЛРОСА”, “АЛРОСА-Газ”, “Роснефть”, “Транснефть”, “Сургутнефтегаз”, ЗЭС (Якутскэнерго АХ) курдук хампаанньаларга ситиһиилээхтик үлэлии сылдьаллар. Холобур, “Роснефть” хампаанньаҕа саха ыччатын ахсаана отуччаҕа тиийдэ.  Киhи эрэ барыта ньиэп-гаас эйгэтигэр дэбигис киирэ охсубат ээ. МПТИ үөрэммит ыччаты “Сургутнефтегазка” уонна “Транснефтькэ” ылбат этилэр. Билигин онно да үлэлээн эрэллэр. МПТИ Саха сирин уонча улууhуттан ыччат үөрэнэллэр. Дьокуускайтан, Ленскэйтэн, Амматтан, Тааттаттан уо.д.а. Чугастыы Бүлүү сүнньүн ыччата элбэх.

Дьэ ити курдук, манна үөрэнэр ыччат үрдүк хамнастаах үлэлэргэ киирэргэ бэлэмнэнэр. Саха сирин үрдүнэн Мииринэйдээҕи политехническэй институкка интэриэс улаатан иһэр. Ааспыт нэдиэлэ бүтэһигэр “Алмаз” култуура дыбарыаһыгар, МПТИ бастакы кууруһун устудьуоннарын эҕэрдэлээтилэр. Институтка саҥа киирбит ыччаты “АЛРОСА”, “ТаасҮрэхнефтегаздобыча”, оройуон уонна куорат дьаһалталарын бэрэстэбиитэллэрэ, МПТИ бары кафедраларын салайааччылара эҕэрдэлээтилэр. Тэрээһин чаҕылхайдык, үчүгэй тэрээһиннээхтик ыытылынна, устудьуоннар кэнсиэртэрэ мустубут дьону сэргэҕэлэттэ.

caxalyytanackyyc

cpektaklctydentov 

gornyaktar

ctydentypervoci

predcedatelalroca

xrictoforovataacyrex

torjectvennayceremoniy

glycebniikorpyc

Станислав Алексеев, Мииринэй куората. Ааптар хаартыскалара.

Тарҕат:

Комментарии

Защитный код Обновить