Киирии

Киирии

Сайыҥҥы кэмҥэ “А-331 Бүлүү” федеральнай суолунан Эбэбитин биэстэ туоруубут. Олортон биирин Кириэстээх поруомнара туораталлар.

Онтон Мииринэй уонна Сунтаар улуустарын икки ардыларыгар сырыы быһаччы тутулуктаах. Мииринэй оройуонугар Оччугуй Ботуобуйа үрэҕин туоратар понтуону, алтынньы 10 күнүгэр хомуйбуттара. Үрэххэ уу кэлэ турар буолан, кыра массыыналары соһон туораталлар. Аны билигин сырыы Кириэстээх поруомуттан быһаччы тутулуктаах. Кириэстээх нэһилиэгин дьаһалтата биллэрбитинэн, икки поруом алтынньы 20 күнүгэр диэри үлэлиэхтэрэ. Онон, эмискэччи аҕыйаан хаалбыт таксилар уонна “Индрайверынан” сылдьар суоппардар, бу нэдиэлэ бүтэһигэр диэри Сунтаарга уонна Ньурбаҕа айанныахтарын сөп.

 Станислав Алексеев, Мииринэй куората. Ааптар хаартыскалара.

 

Тарҕат:

Комментарии

Защитный код Обновить