Киирии

Киирии

Быйыл үрэхпитигэр понтуон хойукка диэри турда. Ону Дьокуускайдааҕы суруналыыстар, понтуон алтынньы 8 күнүгэр номнуо хомуллубутун туһунан, сырыы бүппүтүн курдук суруйбуттара.

Бу ааспыт өрөбүлгэ, алтынньы 20 күнүгэр түһэриллибит хаартыскалар. Хаартыскалар хаачыстыбалара соччото суох да буоллар, понтуон үрэххэ турара дьэҥкэтик көстөр. Быстах муоста үрдүнэн буор, таас кутуллубутун биричиинэтэ биллэр. Үрэххэ муустаах уу тылбыытыгар тиийэ кэллэ. МУАД понтуону хомуйа охсор кыахтаах этэ да, Оччугуй Ботуобуйа үрэҕэр күргэни тутааччы “ВССМ” тэрилтэ понтуона суох кыайан үлэлээбэт курдук буолан тахсыбыт. Понтуон турар буолан хата айанньыттар абыраннылар. Үрэҕи туоруур сири сэргэ күргэ тутуутун үлэтэ бара турар. Тиэхиньикэ, дьон элбэх. Эһиил баччаларга “ВССМ” үрэҕи туоруур 191 миэтэрэ усталаах, үс систээх, икки биэрэстэ киирии аспаал суоллаах күргэни дьэндэтэбин диэн биллэрэр. Дьэ, хайаһаллар...

byorykyttayle

Буору кытта  үлэ

kyrgematuruiaala

Күргэ матырыйаала

pontyionybyorynan

Понтуону буорунан бүрүйбүттэр

texnikebahaam

Тиэхиньикэ баһаам

tyttgacyyccekebahaam

Тутууга сүүсчэкэ киһи үлэлиир

yleerebylgekyttabarar

үлэ өрөбүлгэ кытта барар

 Станислав Алексеев, Мииринэй куората. Ааптар хаартыскалара.

Тарҕат:

Комментарии

Байбал
0 Байбал 22.10.2019 20:29
Чааһынайдар, таксилар Сунтаарга күн аайы сылдьаллар. Паром үлэлиир Крестяхха.
Ответить
Байбал
0 Байбал 22.10.2019 20:31
МУад понтона арааската хомуллубаттыы хаалла быһыылаах. :lol: :lol: :lol:
Ответить

Защитный код Обновить