Киирии

Киирии

Ил Түмэн онус ыҥырыылаах мунньаҕар норуот дьокутааттара Саха сирин судьуйаларын квалификациялаах кэллиэгийэлэригэр Павел Семенов уопсастыбаннас бэрэстэбиитэлэ буоларын бигэргэппэтилэр.

Бу боппуруоһу парламентарийдар иннилэригэр судаарыстыбаннай тутул уонна сокуону оҥоруу сис кэмитиэтигэр бэрэссэдээтэлэ Алексей Еремеев көтөхтө. Билиҥҥитэ Саха сирин судьуйаларын квалификационнай кэллиэгийэтигэр 20 киһи киирэр: 13 судьуйа уонна 7 уопсастыбаннас бэрэстэбиитэлэ. Кинилэри Ил Түмэн аныыр. Ирдэбил быһыытынан, ити кэллиэгийэҕэ уопсастыбаннас бэрэстэбиитэлинэн 35 сааһын туолбут, үрддүк юридическэй үөрэхтээх, сокуону кэспэтэх, судаарыстыбаннай уонна муниципальнай дуоһунаска сылдьыбат, тэрилтэ салайааччыта буолбатах, албакаат, нотариус буолуо суохтаах диэн.

 Парламент сис кэмитиэтигэр бу дуоһунаскабарсар диэн икки киһи кандиадатурата турбут – Павел Семенов (кинини “Региональный центр избирательного право” АНО туруорбут) уонна Юрий Сергеев (“Дальневосточная гильдия юристов по Республике Саха (Якутия)” уопсастыбаннайтэрилтэ туруорбут). Онуоха сис кэмитиэт бу икки киһиттэн Павел Семеновы дьокутааттар дьүүллэригэр туруорбут. Юрий Сергеевы сокуон ирдиирин курдук сөптөөх докумуоннарын биэрбэтэҕин иһин аһардыбатылар.

Павел Семеновка ыйытыылары Виктор Федоров, Юрий Григорьев, Петр Аммосов, Юрий Николаев биэрдилэр. Кинилэр Павел Семеновтан тоҕо бу дуоһунаска дураһыйарын, туох сыаллаах-соруктаах киирэсрин токкоолостулар, кини биографиятын туһунан ыйыттылар уонна паралмент иннигэр хайдах отчуотуур былааннааҕын уо.д.а. ыйыттылар. Виктор Федоров Павел Семенов урут урбаанньыттыы сылдьан нолуоктан куотунууга холуобунай дьыалаҕа эриллэ сылдьыбытын аҕынна.

Куоластааһын түмүгүнэн 21 дьокутаат Павел Семенов кандидатуратын утарда, 10 дьокутаат туттунна. Уопсайа 33 дьокутаат куоластаата. Инньэ гынан, парламентарийдар Павел Семеновы бигэргэппэтилэр.

  

Тарҕат:

Комментарии

Защитный код Обновить