Ил Түмэн онус ыҥырыылаах пленарнай мунньаҕар Усуйаанатааҕы 33-с №-дээх, Өймөкөөннөөҕү 24-с №-дээх, Өлүөхүмээтэҕи 25-с №-дээх суут учаастактарыгар мөрөбүөй судьуйалары бигэргэттилэр.
Мөрөбүөй судьуйа буолар баҕалаахтары Алексей Еремеев билиһиннэрдэ.
Усуйаанаҕа 5 сыллааҕыта судьуйаннан анаммыт Наталья Кылатчановаҕа 60 куоластан үһэ — утарда, биир дьокутаат тутунна. Михаил Эверстов “Аҥардас Арктикаҕа үлэлии сылдьарын эрэ иһин өйүөх тустаахпыт” диэн тыл көтөҕүүлээх буолла.Маны таһынан, дьокутааттар түгэнинэн туһанан Кылатчановаттан Усуйаанаҕа буруйу оҥоруу туругун, арыгы атыытын эҥин туһунан туоһуластылар.
Оттон Өймөкөөҥҥө судьуйалыы барар санаалаах Татьяна Мичуринаны (билигин СӨ Үрдүкү Суутугар судьуйа көмөлөһөөччүтүнэн үлэлиир) 60 дьокутаат өйөөтө, икки киһи утарда.
Александр Чемезовы Өлүөхүмэтээҕи суут учаастагар мөрөбүөй судьуйаннан анаатылар. Киниэхэ 62 дьокутаат кистэлэҥ куолас түмүгүнэн сөпсөүөллөрүн биллэрдилэр, икки дьокутаат утарда. Михаил Гуляев Чемезовы бэркэ билэрин. Эбээһинэһин толорор кыахтаах диэн эрэнэрин биллэрдэ.