Войти

Войти

Дьокуускай куоракка тутуллуохтаах онкокиин федеральнай бүддьүөт бырайыагар киирдэ. Бу туһунан Ил Дархан Айсен Николаев “Instagram” социальнай ситимҥэ суруйан таһаарбыт.

Санатар буоллахха, Айсен Сергеевич алтынньы ый саҥатыгар Федерация Сэбиэтигэр парламент истиитигэр кыттыыны ылбыта. Манна 2020 сыллаах федеральнай бүддьүөт бырайыактарын кээмэйин көрбүттэрэ. Ил Дархан өрөспүүбүлүкэтээҕи онкокиин иккис уочарата федеральнай бүддьүөттэн үбүлэнэригэр этии киллэрбитэ. Ону Федерация Сэбиэтин бэрэссэдээтэлэ Валентина Матвиенко өйөөбүтэ.

Бүгүн сарсыарда Валентина Ивановна миэхэ эрийэ сырытта уонна федеральнай бүддьүөт бырайыагыр онкокиин тутуута киирбитин туһунан эҕэрдэлээтэ. Ол курдук, 2020-2023 сс федеральнай бүддьүөттэн үбүлээһин суумата 5,9 млрд солк тэҥнэһиэ”, – диэн Айсен Николаев иһитиннэрэр. 

NikolaevMatvienko

Саха сиригэр онкокиин тутуллара олус наадалаах. Кэнники сылларга искэн ыарыытын көрдөрүүтэ үрдүү турар. Бу сыл тохсунньу 1 күнүттэн  искэн ыарыылаах 11 995 киһи учуокка турар. 2018 сыллаах көрдөрүүнэн 2528 киһи ыалдьара биллибит. Өрөспүүбүлүкэтээҕи онкокиин билиҥҥи материальнай-техническэй базата искэн ыарыытын булар уонна эмтиир аныгы ирдэбилгэ толору эппиэттээбэт. Саҥа онкокиин тутуутун боппуруоһа өр сыл быһаарыллыбакка турбута.

Валентина Ивановна Матвиенкоҕа, РФ бырабыыталыстыбатын бэрэссэдээтэлин бастакы солбуйааччытыгар Антон Германович Силуановка, Госдума дьокутааттарыгар, Федерация Сэбиэтин чилиэттэригэр, РФ доруобуйа харыстабылын министиэристибэтигэр Саха сирин дьонун-сэргэтин аатыттан улахан махталбын тиэрдэбин”, – диэн Айсен Николаев махтаммыт.

 Yakutia24/Якутия24

Тарҕат:

Комментарии

Защитный код Обновить