Алтынньы 26 күнүгэр В.П.Ларионов аатынан Майа орто оскуолатыгар Мэҥэ Хаҥалас улууһугар оҕону иитии кэнсиэпсийэтинэн итиэннэ Бүтүн Арассыыйатааҕы оҕо уйулҕатын ыйынан «Аанньал кыната» ийэлэргэ аналлаах аахсыйа тэрилиннэ.
Тэрээһин чэрчитинэн, оҕону сааһынан аттаран сайыннарыы, итии-үөрэтии уратыларыгар дириҥ ис хоһоонноох маастар-кылаастар, хорутуулаах бэсиэдэлэр ыытылыннылар: Алын кылааска үөрэнэр оҕолордоох төрөппүттэргэ анаан – «Ыраастык суруйуох» (А.А.Филиппова, П.В.Семенова), «Логиканы сайыннарабыт» (Е.Н.Ильина), «Ааҕыы – бастыҥ үөрэнии» (Р.Я.Ефремова), «Бырайыактыыр үлэни тэрийиигэ төрөппүттэргэ сүбэ» (Д.П.Петрова, М.Н.Уваровская), «Төгүл таблицата элбэххэ үөрэтэр» (М.Э.Расторгуева); орто сүһүөххэ үөрэнэр оҕолордоох төрөппүттэргэ – «Оҕоҕор эрэн» төрөппүттэргэ аналлаах тренинг (Р.М.Сыромятникова, А.С.Софронеева), улахан сүһүөх төрөппүттэригэр – «Профориентационнай бэсиэдэ» (У.С.Баишева), «Инникигэ билиэт»бырайыак (Л.М.Чудинова).
Тэрээһин ураты кэрэхсэбиллээх чааһыгар –«Сатабыл оскуолатыгар» учууталлар төрөппүттэргэ анаан араас маастар-кылаастары ыыттылар, ураты сатабылларын үлэһиннилэр. Оскуола психолога Аина Софронеева сутаж ньыматынан иистэниигэ, соцпедагог Розалия Сыромятникова фоамирантан брошь тигэргэ, «Алаас симэхтэрэ» куруһуок салайааччыта Мария Соловьева пилотка быыкарайкатын оҥорорго, эбии үөрэхтээһин педагога Галина Сергучева кылынан утах өрүүгэ, «Дьүрүскэн» куруһуок салайааччыта Валентина Кривошапкина хомустуурга, педагог-тэрийээччи Алена Рязанская баҕа санаа хаартатын оҥорууга үөрэттилэр.
Аахсыйаҕа кыттыбыт төрөппүттэр улаатан эрэр оҕо уйулҕатыгар ураты сыһыан туһунан оскуола психологтара, соцпедагогтара Марфа Уваровская, Ульяна Баишева, Розалия Сыромятникова, Аина Софронеева, Евдокия Скрябина туһалаах сүбэлэрин, дириҥ ис хоһоонноох бэсиэдэлэрин истэн элбэҕи биллилэр-көрдүлэр.
Бу курдук, В.П.Ларионов аатынан Майа орто оскуолатыгар оскуола, оҕо уонна төрөппүт икки ардыгар аһаҕас сыһыан, ситимнээх үлэ олохтонуутугар таһаарыылаах үлэ тиһиктээхтик ыытыллар.
Изабелла Романова, ulus.media/
