Войти

Войти

Уһун-унньуктаах, өр кэмнээх туруорсуулар кэнниттэн, Саха сирин бастакы алмааһа булуллубут Кириэстээх сэлиэнньэтигэр 120 миэстэлээх таас оскуола дьэндэйэр.

Тутууга “Профстрой” тэрилтэ ылсан үлэлиир. Сыбаайатыттан саҕалаан ис-тас үлэтигэр тиийэ дьарыктанар. Нэһилиэк дьаһалтата биллэрбитинэн, оскуола саҥа дьиэтин  холлоҕоһо түмүктэммит. Билигин да үлэ элбэх, саамай бириинчик бытархай үлэтэ хаалбыт.

Кириэстээх оскуолата эргэрбитин туһунан суруйан турабын. 1978 сыллаахха элбэх итэҕэстээх-быһаҕастаах тутуллубут оскуола үлэни хааччахтыыр этэ. Ардах дьиэ үрүтүн хотон тэстэр, кыһын  истиэнэнэн хахсаат салгын үрэр, онтон сылтаан оҕолор тымныйан ыалдьаллара. Оскуола   кэллэктиибэ уонна Кириэстээх нэһилиэгин дьаһалтата  дьаныардаахтык туруорсан дьыаланы илиилэригэр ыллылар. Тутууну Сунтаар улууһун баһылыга Анатолий Григорьев иилээн-саҕалаан ыытар. Онон саҥа оскуола тиһэҕэр тириэрдиллиэх тустаах.

kiriecteexyereneeccilere

 

Станислав Алексеев, Мииринэй куората. Ааптар хаартыскалара.

 

Тарҕат:

Комментарии

Защитный код Обновить