Войти

Войти

Ил Дархан Айсен Николаев куорат Табаҕатын олохтоохторун кытары Өлүөнэ күргэтин тутуу тула кэпсэттэ. Табаҕа олохтоохторун күргэ тутуллар түгэнигэр, муоста ханан ааһара долгутар.

Айсен Николаев күргэ тутуллар буоллаҕына, сэлиэнньэни 4 сиринэн хаарыйар барыйааннарын ааттаталаата.

“Күргэ тутуутун бүтэһик барыйаана 40 олорор дьиэни уонна 90-ча сир учаастагын таарыйыахтаах. Ити сэлиэнньэҕэ добуочча сыаналаах. Кырдьаҕас Табаҕа дьаамсыктар былыргы сэлиэнньэлэрин курдук хайаан да хаалыахтаах. Ордук барыйаан быһыытынан тутуллатурар биэрэги харыстыыр даамбаны уонна өрүс хомотунан ааһар даамбаны тэҥҥэ холбоон тутар барыйааны көрөбүт. Биэрэги харыстыыр даамбаны өрүс хомотун устата тутуохха сөп. Оччотугар олорор дьиэлэри тыытыа суох этибит. Биллэн турар, ити түгэҥҥэ күргэ тутуутун сыаната балтараа миллиардынан үрдүүр, ол эрээри ити боппуруоһу быһаарыа этэ” , — диэн Ил Дархан быһаарда.

Табаҕа олохтоохторо баар барыйааннаы ырытан баран, биир санааннан Ил Дархан эппит барыйаанын биһирээтилэр, ону Айсен Сергеевич федеральнай таһымҥа туруорсуоҕа.

Тарҕат:

Комментарии

Защитный код Обновить