Войти

Войти

Дьокуускайга тутулла турар Онкология киинин дьиэтин 2023 сылга тутан бүтэриэхтэрэ. Бу туһунан Ил Дархан доруобуйа харыстабылын эбийиэктэрин тутуутун билсэр кэмигэр эттилэр.

Онкология диспансерын тутуу иккис уочарата федеральнай үптэн тутуллар. Бу туһунан Ил Дархан уонна бырабыыталыстыба пресс-сулууспата иһитиннэрэр.

“210 киһи көрдөрүнэр поликлиникалаах, 180 куойкалаах стационардаах, радиологическай салаалаах, хаһаайыстыбаннай блоктаах Онкология киинэ Петр Алексеев аатынан уулуссаҕа тутулла турар. Соторутааҕыта бу өрөспүүбүлкэтээҕи диспансер иккис уочаратын тутууну федеральнай бүддьүөккэ киллэрбиттэрэ. Инньэ гынан, судаарыстыба бүддьүөттэн уопсайа 5,6 млрд солк. көрүөҕэ”, - диэн иһитиннэрэллэр.

Эбийиэк былаан быһыытынан тутулла турар – сыбаайа түһэр, бетон кутуллар. Билиҥҥитэ “Кинг-95” хампаанньа көрүллүбүт харчыга үлэтин түмүктээн, тутуу эһиилги сылга диэри тохтотуллан турар. 2020 сылга үлэ сөргүтүллэн барыаҕа.

Маны таһынан, Дьокуускайга федеральнай үп суотугар кардилогия диспансерын иккис уочарата тутулла турар.

“Сэргэлээх шоссетын түөлбэтигэр кардиологическэй диспансер иккис уочарата үс ый анараа өттүтүгэртутуллан саҕалаабыта. Бу 150 куойкалаах, аҕыс этээстээх кардио-сосудистай киин Уһук Илин экэнэмиичэскэй сайдыытын бырагырааматыгар киирбитэ. Онуоха федеральнай үптэн 4,5 млрд солк. кэриҥэ үп көрүллүбүтэ” , — диэн Ил Дархан пресс-сулууспата суруйар.

Ил Дархаҥҥа отчуоттаабыттарынан, билиҥҥитэ үлэ былаан, график быһыытынан баран иһэр. Билиҥҥитэ былаһааккаҕа сыбаайа түспүт, цоколь оҥоһуллубут, мастутуулар көтүрүллүбүттэр, 59 ыалы көһөрбүттэр. “Сэттэ” тутуу хампаанньата (сүрүн бэдэрээччит) эбийиэги 2022 сылга туттарар былааннаах.

Тарҕат:

Комментарии

Защитный код Обновить