Киирии

Киирии

Мииринэйтэн Бүлүү улуустарын диэки, кыһыҥҥы айан суола хаһан сөргүтүллэрин туоххаһыйа күүтэбит. Бүгүҥҥү туругунан Бүлүү өрүскэ муус халыҥыыра букатын ыраах. Онон суол турарын өр күүтэрбит буолуо.

Суол сабыллыаҕыттан ыла ыаллыы улууспутуттан Сунтаартан аһылык кэлбэт. Ынах этин атыылаабат буолбуттара быданнаата. Онон, Мииринэй куорат олохтоохторо эргэрбит эти, куурусса буутун сиэн олоробут. Ол Аргентина, Алтай, Бразилия, Дания курдук ыраах дойдулартан кэлэр ас. Омук дойдуларын этэ мииҥҥэ, соккуойга   барсыбат, хос амтаннаахтар.               Саатахха Алтай этигэр соторутааҕыта бэтэринээринэй инспиэксийэ дьиэк булан, киһи соччо атыылаһыан да баҕарбат. Аны эппит сымсах, хоргуна суох кумааҕы курдук. “Новай” сопхуос киилэтэ 240 солкуобайдаах “супбородуукта” эрэ атыылыыр. Атыннык эттэххэ ынах этин уҥуоҕа. Муҥ саатар куурусса этин атыылаабаттар.

Оннук сибиэһэй аһылыгы амсайбакка чахчы даҕаны хараарҕаатыбыт. Дьокуускайга “Сайсары” ырыынагар курдук, олохтоох бородууксуйаны ынах, убаhа, сибиинньэ, таба этин дьөрү көрбөппүт. Сунтаардар тыаларын этин күүтэбит да, биһиэхэ кэлэрэ букатын аҕыйаан турар. Билигин маннааҕы эргиэмсиктэр сылы быhа сытан улуктуйбут эттэрин батара сатаан, күнү барыылларын эрэ көрөбyн. Онон, хараарҕаатыбыт. Саатар, хаһан сылгы этин аҕалаллара буоллар?                                        

 

Станислав Алексеев, Мииринэй куората. Ааптар хаартыскалара.                               

Тарҕат:

Комментарии

Защитный код Обновить