Войти

Войти

Уһук Илиҥҥэ 1 гектаар сири ылбыт дьон сирдэрин 5 сыл иннигэр туһаҕа таһаарбыт буоллахтарына, приватизациялыахтарын сөп. Бу туһунан Уһук Илин федеральнай уокурукка Арассыыйа Бэрэсидьиэнин боломуочуйалаах бэрэстэбиитэлэ – РФ Бырабыыталыстыбатын бэрэссэдээтэлин солбуйааччы Юрий Трутнев бүгүн Дьокуускайга кэлэ сылдьан иһитиннэрдэ.

Трутнев этэринэн, “Уһук Илин гектаарын туһунан” 119 №-дээх Федеральнай сокуоҥҥа уларытыы киириэхтээх. Оччоҕуна бу сокуон чэрчитинэн ылыллыбыт сир учаастактара эрдэ этиллибитин курдук 5 сылы кэтэһиннэрбэккэ эрэ, болдьоҕо суох бас билиигэ бэриллэр буолуохтара.

Билиҥҥи сокуон быһыытынан, ылыллыбыт гектаары 5 сылга босхо туһаныы дуогабарынан сөп. Ити биэс сыллаах болдьох түмүктэммитин кэннэ түүлэһиигэ эбэтэр бас билиигэ көһөртөрүөххэ сөп. Холобур, сири болдьоҕо суох бас билиигэ ылыаххын баҕардаххына, учаастаккар дьиэ туттан көһүөхтээххин. Маныаха дьиэ туттарга маһы буор босхо биэриэхтэрэ. “Биһиги дьиэ туттааччы маһын бэлэмнииригэр ойууру булан бириэхпит” диэн Трутнев быһаарда. Маны таһынан, сокуон чэрчитинэн бэриллибит урукку тыа хаһаайыстыбатыгар туһаныллыбыт сирдэргэ мастыҥы ыарҕалары кэрдии бэрээдэгэ судургутуйуо. Трутнев “бу сокуон туһалаах буоларыгар хайаан да дьоҥҥо судургу буоларын ситиһиэхтээхпит” диэтэ.

Тарҕат:

Добавить комментарий