Киирии

Киирии

Өлүөнэ өрүһү туоруур күргэ бырайыагын докумуона уонна тутуута болдьоҕор түмүктэннэҕинэ 2025 сылга үлэҕэ киирэрэ былааннанар. Бу туһунан суруналыыстарга СӨ бырабыыталыстыбатын бэрэссэдээтэлин солбуйааччы Кирилл Бычков иһитиннэрдэ.

2020-2021 сс күргэ бырайыагын докумуонун оҥоруу былааннанар. Оттон 2021-2024 сс тутуллуоҕа. Бу курдук былаанынан бардаҕына 2025 сылга үлэҕэ киирэр кыахтаах. Ол курдук, бырайыактааһын уонна тутуу үлэтэ уопсайа биэс сыл буолар”, – диэн Кирилл Бычков эттэ.

Өлүөнэ күргэтэ Уһук-Илиҥҥи уокурук сайдыытын национальнай бырагыраамма бырайыагын “Магистральнай инфраструктура сайдыыта уонна бөдөҥ инфраструктурнай бырайыактары олоххо киллэрии” диэн салаатыгар киирбитэ. Бырайыак Уһук-Илиҥҥи федеральнай уокурук экэнэмиичэскэй сайдыытын сылга 6% түргэтэтэр, олох таһымын тупсарар сыаллаах.

Ил Дархан Айсен Николаев күргэ саҥа бырайыага бэлэмин, инвестордары кытта кэпсэтии барбытын туһунан эрдэ эппитэ. Күргэни тутуу барыллаан суумата 83 млрд солк тэҥнэһэр. Бырайыак судаарыстыбаннай уонна чааһынай бииргэ үлэлээһин чэрчитинэн олоххо киирэр кыахтаах.

news.ykt.ru/

Тарҕат:

Комментарии

You have no rights to post comments

Бүтэһик сонуннар