“Forbes” сурунаал таһаарбытынан, “Алроса” хампаанньа дойду үрдүнэн 10 бастыҥ үлэ биэрээччилэр кэккэлэригэр киирдэ.
“Forbes” сурунаал 150 саамай бөдөҥ хампаанньалары көрбүт. Түмүктүүр эриэйтиҥҥэ 50 хампаанньа киирбититтэн, Алроса сэттис миэстэни ылбыт. Сурунаалга тыйыс усулуобуйалаах сир диэтэххэ, 2018 сылга орто хамнас 126 700 солк тэҥнэспитэ суруллар. 2018 сыл бүтүүтэ орто хамнас өрөспүүбүлүкэ үрдүнэн икки бүк үрдүк буолбута бэлиэтэнэр. Ону таһынан, ааспыт сылга хампаанньа 11 млрд солк социальнай инвестицияҕа уонна араас социальнай, аһымал бырагырааммалары олоххо киллэриигэ ыыппыта бэлиэтэнэр. Уонна хампаанньа үлэһиттэрин бырайыаһын, оҕолор санаторнай-курортнай эмтэниилэрин, сынньалаҥнарын уйунара суруллар.
