Войти

Войти

Мииринэйтэн Дьокуускайдыыр таксыылар сырыылара ааспыт нэдиэлэттэн сыыдамсыйда.

Уонча хонуктааҕыта Кириэстээх аннынан түөрт туонна уйуктаах массыына, олорсон иһэр дьонун Бүлүү өрүһү сатыы туората-туората Сунтаардаабыта. Биллэн турар, муус ситэ халыҥыы илигинэ айанныыр кутталлаах.     Бу диэки Дьокуускайдааҕар быдан сылаас, Өрүс олус бытааннык тоҥор. Саатар ардыгар тааҥнаан сордуур. Массыыналар муус анныгар түhэн хаалар кутталтан, ааннарын тэлэччи аhан баран Кириэстээх биэрэгэр муҥ кыраайынан элээрдэллэр. Бүлүү өрүс Кириэстээх аннынан 600 миэтэрэ туоралаах. Муус ситэ халыҥыы илик буолан, улахан уйуктаах тиэхиньикэҕэ (20 туонна) олус кутталлаах. Эбэ муустаах, толору кыдьымахтаах. Оттон үүнэр нэдиэлэ бүтэһигэр амырыын тымныылар түһүөхтээхтэр. Муус аҕыйах хонуктааҕыта 25-30 см эбит буоллаҕына, сотору кэминэн лаппа халыҥаары турар. Улахан массыыналар куттала суох туоруулларыгар муус халыҥын тоҕоостоох таhыма 70 см буолуохтаах.                Оттон түргэнник тоҥордоҕуна 20-чэ туонна уйуктаах массыыналар ахсынньы саҥатыгар сылдьыахтарын сөп.                  

 

Станислав Алексеев, Мииринэй куората.

Бассаап хаартыската.

Тарҕат:

Добавить комментарий