Сэтинньи 25-тэн ахсынньы 1 күнүгэр диэри “Стоп ВИЧ/СПИД” диэн бүтүн Арассыыйатааҕы аахсыйа сэттис төгүлүн ыытыллар. Аахсыйа СПИД утары охсуһар Аан дойдутааҕы күҥҥэ түбэһэр. Бу туһунан СӨ бырабыыталыстыбатын пресс-сулууспата иһитиннэрэр.
Бу вирус 35 сыл анараа өттүгэр арыллыбыта. Бу кэм устата ООН бырагыраамматын көрдөрүүтүнэн 74,9 мөл тахса киһи ВИЧ ыарыылааҕа биллэр, 32 мөл киһи өлбүт уонна 37,9 мөл киһи ВИЧ ыарыылаах олороллор. Олортон 23,3 мөл киһи эмтэнэллэр. ВИЧ ыарыытыгар ылларыы 1,7 мөл киһиэхэ диэри аччаабыт.
Сэтинньи 25-тэн ахсынньы 1 күнүгэр диэри Роспотребнадзор Саха сиринээҕи салаата ВИЧ-инфекцияны сэрэтии боппуруостарыгар “итии лииньийэни” ыытар. Ол курдук, 10.00-17.00 ч (13.00-14.00 ч эбиэт) 8-800-550-21-24, (4112)32-08-49 эрийэн эбэтэр “онлайн” быһыытынан Этот адрес электронной почты защищён от спам-ботов. У вас должен быть включен JavaScript для просмотра. электроннай пуочта нөҥүө сүбэ-ама ылыахха сөп.
Ону таһынан, Роспотребнадзор эпидемиолог исписэлиистэрэ өрөбүлэ суох нууччалыы уонна аангылыйа тылынан 8 800 555 49 43 (эрийии босхо) нүөмэринэн көмөлөһүөхтэрэ. Аахсыйаҕа молекулярнай диагностика киинин исписэлиистэрэ эмиэ кыттыахтара.
Ахсынньы 1-3 күннэригэр ВИЧ-статуһун билиэн баҕалаах дьон буор босхо анаалыс туттарыахтарын сөп. Аахсыйаҕа молекулярнай диагностика киин бары офистара кытталлар. Манна #стопвичспид диэн пропокодунан тест тутуохтара уонна сүбэ-ама биэриэхтэрэ.
