Войти

Войти

Бүгүн, сэтинньи 25 күнүгэр Ньурба оройуонугар “Бүлүү” федеральнай суол 756 км-гар, Марха өрүһү туоруур күргэ арыллыыта буолла.

Үөрүүлээх тэрээһиҥҥэ Ил Дархан Айсен Николаев, Федеральнай суол ааҕыныстыбатын салайааччытын солбуйааччы Евгений Туриев, РФ Госдуматын дьокутааттара Александр Васильев, Сергей Тен, Федот Тумусов, “Ил Түмэн” Судаарыстыбаннай мунньах бэрэссэдээтэлин солбуйааччы Антонина Григорьева, Ньурба оройуонун баһылыга Алексей Иннокентьев, “Бүлүү” федеральнай суол ааҕыныстыбатын начаалынньыга Николай Андреев, “Сибмост Групп” тэрилтэ генеральнай дириэктэрэ Олег Мамаев уонна бырабыыталыстыба чилиэннэрэ, норуодунай дьокутааттар, Ньурба оройуонун уопсастыбаннаһа, олохтоохтор уо.д.а. кыттыыны ыллылар.

20191125 133931n

Үөрүүлээх тэрээһин саха норуотун сиэринэн алгыстан саҕаланна.  Мустубут дьон дохсун ытыһын тыаһынан кыһыл лиэнтэни Айсен Николаев, Евгений Туриев, Алексей Иннокентьев, Николай Андреев уонна Олег Мамаев быстылар. Оттон  массыыналар колуонналара айаннаатылар.

20191125 134009n

20191125 133958n

Тыйыс усулуобуйалаах сиргэ тутуллубут күргэ Марха өрүс икки биэрэгин ситимнээн, нэһилиэнньэлээх пууннар төгүрүк сыл устата кыһалҕата суох сылдьалларын хааччыйыа. Бүгүн Ньурба оройуонун олохтоохторугар эрэ буолбакка, бүтүн Бүлүү бөлөх улуустарыгар саамай үөрүүлээх уонна күүтүүлээх күн тосхойдо. Бырааһынньыктааҕы тэрээһиннэр Ньурба куоратыгар уонна Дьаархаан нэһилиэгэр ыытыллыахтара. Олохтоохторго анаан Ньурба – Дьаархаан – Ньурба хайысханан оптуобустар сылдьыахтара. Киэһэ Ньурба куоракка уонна Дьаархаан нэһилиэгэр салют ытыахтара.

20191125 133947n

Ньурба оройуонун пресс-сулууспата

Тарҕат:

Комментарии

Защитный код Обновить