Ахсынньы 11 күнүгэр Мииринэй куоракка, “Алмаас” култуура дыбарыаhыгар улахан үлэ дьаарбаҥката ыытыллара былааннанар.
Бу туһунан миэхэ Мииринэйдээҕи Үлэ кииниттэн биллэрдилэр. Дьаарбаҥка Саха сирин бөдөҥ бырамыысалынай оройуонугар, үлэ боппуруоһун быһаарарга тулааһынынан буолар. Үлэ дьаарбаҥкатыгар Удачнайдааҕы уонна Мииринэйдээҕи ХБК-лар, “Роснефть”, “Колмар”, “Алмаздотранс” курдук биллэр-көстөр бырамыысалынай тэрилтэлэр кыттыыны ылыахтара. Yлэ көрдөөччүлэргэ бакаансыйалары тосхотооччу тэрилтэлэр бэрэстэбиитэллэрэ, анкета уонна резюме толорторуохтара. Хас эмэ ыйы-ыйынан, сылы-сылынан түптээх үлэ булбакка эрэйи көрө сылдьыбыт дьоҥҥо бу тэрээһин элбэх эрэли үөскэтэр. Үлэ киинигэр иһитиннэрбиттэринэн, дьаарбаҥка Мииринэй эрэ оройуонун олохтоохторугар туһуланар.
Станислав Алексеев, Мииринэй куората.
