Киирии

Киирии

Мииринэй, Ленскэй оройуоннара, Сунтаар улууһа, уопсайынан, Саха сирин арҕаа эҥэрэ бу айан суолуттан улахан тутулуктаах. Таас-Үрэхтэн Усть-Куттуур айан суолугар Верхнемарково диэн Иркутскай уобалас сэлиэнньэтэ баар. Онуоха диэри кыһыҥҥы айан суола эрэ тэлиллэр.

Бу суол устата сүрдээх уһун, сындылҕаннаах айаннаах, араас мучумааннардаах. Устата – 825 биэрэстэ. Оттон Иркутскай диэки барар эбэтэр Саха сиригэр айаннаан кэлэр тиэхиньикэ хара баһаам. Мииринэйгэ, Ленскэйгэ кэлэр туох баар бородууктабыт, табаарбыт, тиэхиньикэбит, тэриэбит онтон кэлэр. Сааһыары муҥутуур айан кэмигэр биир күҥҥэ бу суолунан 300-чэ тиэхиньикэ айанныыр. Нефтяниктар уонна газовиктар манна күөнтүөхтэриттэн ылата суол иэдэйдэ. Кинилэр аата ахса суох тиэхиньикэлэрэ субуллан, суолу кулун тутартан муус устар ый чугаһыгар диэри “хааһы да саламаат” оҥорон кэбиһэллэр. Киһи дьиксинэрэ диэн, ньиэп уонна гаас хостооччулар, геологтар, бу айан суолун өрөмүөнүгэр “кэлтэгэй кэппиэйкэни” да дук гымматтар. МУАД тэрилтэтэ сылын ахсын кыстык суолун оҥорууга икки тыраанспар холуоннатынан тахсар. Биирдэһэ – Саха сириттэн (Таас-Үрэх), атына – Иркутскай уобалас диэкиттэн. Маннык уһун суолу оҥорор бэтэрэнэн буолбатах. Кыһыҥҥы суолу оҥорууга сүүрбэ араас хабааннаах тиэхиньикэ туттуллар. Гусеницалаах уонна көлүөһэлээх бульдозердартан, дьоҕус тыраахтардартан, грейдердергэ тиийэ. Бары баар усулуобуйалары учуоттаан, Таас-Үрэхтэн Верхнемарково сэлиэнньэтигэр тиийэ айан суола, быйыл да кэмигэр бэлэм буолуо. Ахсынньы 15 күнүгэр аһыллыаҕа диэн бэдэрээттээх тэрилтэ МУАД биллэрдэ.

 avaria

avaria2

avaria3

avaria4

Станислав Алексеев, Мииринэй куората.

“Дальнобой.орг” уонна “Evgen222” саайтыттан хаартыскалар. Таас-Үрэхтэн Иркутскайдыыр кыһыҥҥы суол.

Тарҕат:

Комментарии

You have no rights to post comments

Бүтэһик сонуннар