Киирии

Киирии

Булуҥ улууһун Күһүүр нэһилиэгэр 220 миэстэлээх саҥа оскуола үлэҕэ киирдэ. 3 тыһ кв м иэннээх эбийиэк өрөспүүбүлүкэ инвестиционнай бырагыраамматын үбүлээһининэн тутуллубут. Бу туһунан ТАСС-ка Ил Дархан Айсен Николаев иһитиннэрдэ.

Ыраах сытар, сылдьарга эрэйдээх оройуон нэһилиэгэр оскуола дьэндэйдэ. Тутуу матырыйаала кыһыҥҥы суолунан уонна уунан тиэйиллибитэ. Саҥа эбийиэк 3 тыһ кв м иэннээх, 220 миэстэлээх. Тутуу 550,2 мөл солк сыаналанна. СӨ Инвестиционнай бырагыраамматынан үбүлэннэ. Саҥа оскуоланы олохтоохтор олус күүппүттэрэ. Тоҕо диэтэххэ, 1962 сыллаахха тутуллубут урукку оскуолалара 2013 сыллаахха бүтүннүү уокка былдьаммыт. Ол кэмтэн ыла оҕолор икки симиэнэнэн үөрэнэ сылдьыбыттар. Билигин икки этээстээх таас дьиэҕэ 196 оҕо үөрэнэр. Олортон тоҕус оҕо чугастыы сытар Сииктээх нэһилиэгиттэн сылдьаллар. Манна начаалынай эрэ оскуола баар. Эһиил 50 миэстэлээх интэринээт арылыннаҕына оҕо ахсаана элбиир чинчилээх”, — диэн Айсен Сергеевич кэпсээтэ.

Оскуола успуорт саалалаах уонна ууну бэлэмниир носуостаах ыстаансыйалаах. Атырдьах ыйыгар Күһүүргэ саҥа хочуолунай үлэҕэ киирбитэ. Инньэ гынан, итиинэн хааччыллыыта эрэллээх. Күһүүр  оройуоҥҥа соҕотох эбээн национальнай нэһилиэгэ буолар. Манна 1300 тахса киһи олорор.

news.ykt.ru/

Тарҕат:

Комментарии

You have no rights to post comments

Бүтэһик сонуннар