Войти

Войти

Ахсынньы 3 күнүгэр инновация, сыыппара сайдыытын уонна инфокоммуникация технологиятын миниистирин солбуйааччы Чокуур Гаврильев улуус хаһыааттарын сүрүн эрэдээктэрдэрин кытары мунньахтаабыт. Бу туһунан министиэристибэ пресс-сулууспата иһитиннэрэр.

Мунньахха “Сахабэчээт” судаарыстыбаннай автономнай тэрилтэҕэ 16 улуус хаһыатын холбуур туһунан дьүүллэспиттэр.

“Сэтинньи 25 күнүгэр Ил Дархан 16 улуус хаһыатын эрэдээксийэлэрэ “Сахабэчээккэ” холбоноллорун туһунан уурааҕы таһаарбыта, инньэ гынан, улуус хаһыаттара барыта биир холдиҥҥа киирдилэр”, — диир Чокуур Гаврильев.

Эрэдээксийэлэр хаһыаттарын бэйэлэрэ таһаара, тарҕата олоруохтара уонна бүддьүөтү таһынан үптэрин бэйэлэрэ дьаһанар буолуохтара.

“Сахабэчээт” генеральнай дириэктэрин эбээһинэһин толорооччу Владимир Сыромятников иһитиннэрбитинэн, хоту улуустарын хаһыаттарын холботолооһун этэҥҥэ, ону ааһан бэркэ ааспыт. Кини кэллиэгэлэригэр салгыы хайдах “холбоноллорун” туһунан сиһилии кэпсээбит. 

Тарҕат:

Комментарии

Защитный код Обновить