Дьокуускайга киргиистэр диаспораларын биир салайааччыта сокуоннайа суох миграция каналын олохтообут. Онуоха ФСБ үлэһиттэрэ тараччы тутан “бүөлээбиттэр”.
“Ахсынньы 3 күнүгэр Дьокуускайга киргиистэр диаспораларын биир салайааччыта Киин Азия эрэгийиэннэриттэн Саха сиригэр сокуоннайа суох миграция каналын олохтообутун кытары сыһыаннаах дьайыылара тохтотулунна”, — диэн УФСБ пресс-сулууспатын матырыйаалыгар суруллар.
Билиҥҥитэ бу тутуллубут киһиэхэ дьыала тэриллэрин туһунан быһаараллар. News.Ykt.Ru иһитиннэрэринэн, уорбаланааччы – Жазбек Бекболиев. Дьокуускайга киргиистэр диаспораларын салайааччы Данияр Байгутуев бу курдук санаатын үллэстибит:
— Мин ити киһи тугунан дьарыктанарын билэр этим, хаста да көрсөн кэпсэтэ сатаабытым да, аккаастаммыта. Мин бу киһи туһуттан өрөспүүбүлүкэҕэ биһиэхэ, онтон да суох бэрдэ суох репутациялаах дьоҥҥо эмиэ хара мэҥи түһэрэриттэн хараастабын уонна хомойобун. Быраабы араҥаччылыыр уорганнар бу киһиэхэ сөптөөх миэрэни анаабыттарын толуйуоҕа.
