Кэлэр 2020 сылтан сытыырхайыылаах сүрэх-тымыр кэһиллиилээх, инсульт, инфаркт, сытыы коронарнай синдром курдук, итиэннэ сүрэхтэригэр эпэрээссийэлээх ыарыһахтар босхо эми ылар буолуохтара.
Бу туһунан дойду доруобуйаҕа харыстабылын миниистирэ Вероника Скворцова Федеральнай Мунньахха Арассыыйа сокуону оҥорооччуларын Сэбиэтин мунньаҕын кэмигэр эрэннэрдэ.
Маныаха босхо эми ыарыһах сүрэх-тымыр ыарыыта туруоруллубутун кэннэ икки сыл устата ылар буолуоҕа. Ити инсульт уонна инфаркт иккистээн хатыламматын инниттэн ыытыллар. Сквороцова этэринэн, инсульт, инфаркт кэннэ профилактика ыытыллыбатаҕына хайаан да иккистээн хам тутар адьынаттаах, онон болҕомто ууруллара ирдэнэр. Маныаха 14 млрд солк. ирдэнэр эбит. Мунньах кэмигэр Валентина Матвиенко уталыаппакка үбүлээһин боппуруоһун быһааралларыгар ыҥырда.
