Мээрийэ саайтыгар сурулларынан сирдэттэххэ, 2020 сыл тохсунньутуттан куорат иһигэр айанныыр оптуобустарга төлөбүр үрдүүр.
Ол эбэтэр билигин биһиги биир сырыыга 30 солкуобайы төлүүр эбит буоллахпытына, кэлэр сылтан 32 солк буолар. Даҕатан эттэххэ, оптуобустар олус куһаҕаннык сылдьаллар. Ону туһааннаах тэрилтэ МПАП аҕыйах “ходобуой” оптуобус хаалбытыгар сигэнэр.
Аны туран кыра куорат буолан, оптуобус барыыһа кыра. Кыахтаах дьон бары массыыналаахтар.
“АЛРОСА”, ЗЭС, “АЛРОСА-Гаас” бэйэлэрин үлэһиттэрин аналлаах оптуобустарынан таһаллар. Онон, оптуобустар мөлтөхтүк сылдьалларыгар эрэйдэнэр, тохтобулларга тоҥор кыаммат-түгэммэт дьон – кырдьаҕастар, инбэлииттэр уонна оскуола оҕолоро.
Бу кыһалҕа быһаарыллыбакка турар.
Станислав Алексеев, Мииринэй куората.
