Войти

Войти

РФ Ааҕар-суоттуур палататын бэрэссэдээтэлэ Сергей Степашин видеонан сибээһинэн ДьУОХХ реформатыгар көмөлөһөр пуонда кэтээн көрөр сэбиэтин мунньаҕын ыытта. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

Мунньахха чуолаан хаарбах дьиэттэн көһөрүүгэ туһуламмыт аадырыстаах көмө хайдах ыытыллыбытын дьүүллэстилэр.

Ил Дархан Айсен Николаев бэйэтин дакылаатыгар Пуонда салалтаыгар өрөспүүбүлүкэ ыытар эрэгийиэннээҕи бырагырааматын олоххо киллэриигэ көмөлөрүн иһин махтанна.

“Күн-бүгүн көрдөрүүбүт былааны таһынан туолла. 23 тыһ. 500 кв. м. хаарбах дьиэттэн олохтоохтору көһөрдүбүт, ол иһигэр 14 тыһ. 800 кв.м. кэмпэнсээссийэ төлөөтүбүт, 8 тыһ. 700 кв.м. – саҥа дьиэҕэ көстүлэр”, - диэн Айсен Сергеевич отчуоттаата.

Маны таһынан 36 муниципальнай тэриллиигэ 2025 сыл балаҕан ыйын 1 күнүгэр ылы 1 мөл. 142 тыһ. кв.м. хаарбах дьиэ суох оҥоһуллуохтааҕын эттэ. Ити дойду хаарбах дьиэтиттэн 11 бырыһыаны ылар, ол эбэтэр 3,5 тыһ. олорор дьиэ эбэтэр 25 тыһ. олорор сир, онно 61 тыһ. киһи олорор. Үөһэ ыйыллыбыт Пуонда күн-бүгүн уопсайа 78,5 млрд солк. үбү көрбүт.

Ил Дархан иһитинэрбитинэн, 2019 сылга гражданнары көһөрүү этабыгар уопсайа 85 тыһ. кв.м. хаарбах дьиэни көһөрүөхтээхтэр. Үбүлээһинэ – 6,2 мөл.солк. Нацбырайыак иитинэн, эһиил 13 тыһ. 500 кв.м. көһөрөр сорук турар. Онуоха Пуондтаттан билиҥҥитэ 2019-2020 сс. эһиил ахсынньы 31 күнүгэр дылы 4 млрд солк. кэриҥэ үп көрүллүбүт.

“Олус элбэх киһи ыт мунна эрэ батар быыкаа хосторугар олорор. Кинилэри бырагыраамаҕа киирсэн көһөрөргө 20 кв.м. кырата суох олорор сир наада”, - диэн Айсен Николаев быһаарар.

Тарҕат:

Комментарии

Защитный код Обновить