Войти

Войти

Ньурба куоратын Аргыс тэрилтэтэ дьону удамыр сыанаҕа Дьокуускайга диэри таһар. Бу бачыымнарын ыаллыы сытар Сунтаар улууһа ылыммыта кэрэхсэбиллээх.

Мантан сиэттэрэн Сунтаардааҕы МУП АТП Дьоокуускайга, Мииринэйгэ айанныыр дьонтон төлөпүөнүнэн сайаапка хомуйан таһар былааннаах. Аҕыйах сырыы оҥоһуллан биһирэннэ. Биир үтүө өрүтэ - сыаналара удамыр. Ким Дьокуускайга 3000 солк айанныан баҕарыа суоҕай? Биэнсийэлээхтэртэн 2.500 солк ылабыт диэн биллэрбиттэрэ. Билиҥҥи сыана бас-баттах барбыт кэмигэр бу олус үчүгэй.

Ыраах айанныыр дьону уһун күүттэриитэ, сэлиэнньэ устун өр хомуйуута суох чопчу биир сиртэн, Ыччат дьиэтин инниттэн (бастакы ырыынак утары) хомуйан айанныыллар. Мииринэйгэ диэри айаннааһын туспа “остуоруйа”. АТП-лар “Газель” оптуобуһунан дьонтон сайаапка хомуйан, массыына туолла да айанныыллар. Онон, ала-чуо бириэмтэ, чааһа диэн суох. Ол үрдүнэн Сунтаартан Мииринэйгэ диэри аҕыйах сырыы оҥоһулунна. Бу миэрэ кыһалҕаттан оҥоһуллар диэххэ сөп. Тоҕо диэтэххэ, Дьокуускайдыыр сорох таксыыстар Мииринэйтэн Сунтаарга диэри барар дьону барыыһа суох диэн отойун ылбаттар. Сунтаарга диэри баһыылка, бандероль, бэл сурук ылартан аккаастаналлар. Оннооҕор төрөппүттэрин көмө бара сатыыр дьоҥҥо, “мас-таас” курдук аккаастыыр хаҕыс сыһыаннаах таксыыстар бааллар эбит. Маны учуоттаан Сунтаар уонна Мииринэй икки ардытыгар эриэйсэбэй оптуобустар сылдьаллара булгуччулаах дии саныыбын. Киһи барыта массыыналаах буолбатах. Оҕонньоттор, эмээхситтэр, инбэлииттэр, оҕо-аймах син-биир баар буолааччы. Сунтаарга МУП АТП улуус иһигэр “ПАЗ” оптуобустары айаннатар. Холобур, Элгээйи диэки сытар нэһилиэктэргэ нэдиэлэҕэ хаста да оптуобустар сылдьаллар. Сыаналара – чэпчэки. Холобур, Толооҥҥо, Элгээйигэ диэри 300 солк, Кутанаҕа, Сиэйэҕэ диэри 350 солк. Маннык сырыы Аллыҥа, Тойбохой, Кириэстээх диэки эмиэ сүтэ-сүтэ баар буолааччы.

Сэбиэскэй кэмҥэ дойдуга үп-харчы баарыгар, Сунтаар АТК-та Хадан, Илимниир, Бордоҥ туһаайыыларынан оптуобус сырытыннаран дьону абырыы сылдьыбыттаах. Ону сөргүтэллэрэ буоллар диэн баҕа санаа баар. Эбиитин Сунтаар сэлиэнньэтиттэн 9 көс ыраах Тэҥкэ дэриэбинэтин хабыа этилэр. Ол төрүт кыаллыбат диэн буолла. Онон, саатар Сунтаар улууһун Мииринэйи кытары ыкса сибээстиир сыаллаах, эриэйсэбэй оптуобус сылдьара ирдэнэр. Сунтаар улууһуттан сылдьар дьон Мииринэйгэ аҕыйаҕа суохтар. Баахтаҕа үлэлээччилэр, устудьуоннар элбии тураллар. Сунтаарга үлэ боппуруоһа олус кытаанах буолан, дьон Мииринэйи буларга күһэллэллэр. Аны Иркутскайга, Новосибирскайга, Москубаҕа, Питергэ Мииринэйтэн көтөҕүн. Итини учуоттаан оптуобус сырыыта тэнийэрэ тоҕоостоох буолуо этэ.

 

Станислав Алексеев, Мииринэй куората.

 

 

 

 

 

 

 

Тарҕат:

Комментарии

Taxy
+6 Taxy 10.01.2020 20:12
:-x Сунтаартан Мирнэйгэ диэри 1.500 солк илдьиэм этэ.
Ответить

Защитный код Обновить

kuumprint2

Бүтэһик сонуннар