Войти

Войти

Арассыыйаҕа тас дойдуттан биир дойдулаахтары баҕа өттүнэн көһөрүү судаарыстыбаннай бырагыраамат иитинэн 2019 сылга Уһук Илиҥҥэ 5 тыһ. тахса киһи көһөн кэлбит. Бу туһунан Уһук Илиҥҥэ киһи капиталын сайыннарыы Ааҕаныстыбатын пресс-сулууспата иһитиннэрэр.

“Уһук Илин федеральнай уокуругар кэнники 4 сылга тас дойдуттан баҕа өттүнэн көһөн кэлии бырагырааматынан туһаммыт биир дойдулаахтарбыт 2019 сылга аан бастакытын бэлиэтэннилэр. Урут маннык күрүгүөмүнэн Уһук Илиҥҥэ көһөн кэлии буола илигэ. СНГ дойдуларыттан эрэ буолбакка, Германияттан, АХШтан, Латинскай Эмиэрикэттэн көһөн кэлээччилэр бааллар”, - диэн Ааҕыныстаба салайааччыта Сергей Ховрат иһитиннэрэр.

Холобур, былырыын алтынньыга Бразилияттан уонна АХШтан 8 старообрядческай община салайааччылара бу бырагыраама чэрчитинэн Арассыыйа гражданствотын ылбыттар. Быйыл маннык общинаттан 50 ыал кэлэрэ былааннанар. Уопсайынан, бу бырагыраама үлэлиэҕиттэн 50 тыһ. киһи Арассыыйаҕа көһөн кэлбит.

Тарҕат:

Комментарии

Защитный код Обновить