Войти

Войти

Быйылгы сийиэскэ уопсайа 111 дэлэгээт кыттар. Кинилэр хотугу аҕыйах ахсааннаах норуоттар төрүт дьарыктарын, төрөөбүт тылларын, култуураларын, сирдэрин харыстааһын, сир баайын хостооччуларын кытары алтыһыы, үлэннэн хааччыйыы уо.д.а. тыын суолталаах боппуруостары көтөҕүөхтэрэ.

СӨ төрүт олохтоох аҕыйах ахсааннаах хотугу норуоттар Ассоциацияларын бэрэсидьиэнэ, РФ Уһук Илин, Сибиир, Уһук Хоту аҕыйах ахсааннаах төрүт олохтоох норуоттарын вице-бэрэсидьиэнэ Андрей Кривошапкин сийиэс сүрүн сыалынан хотугу төрүт олохтоох норуоттар бырааптарын көмүскээһин уонна кинилэр бигэтик сайдалларыгар усулуобуйаны тэрийии буоларын тоһоҕолоото. “Бүгүн биһиги хотугу аҕыйах ахсааннаах төрүт омуктар баар балаһыанньаларын сөптөөхтүк сыаналыахтаахпыт уона биһиги Ассоциациябыт, судаарыстыбаннай уонна олохтоох толорор былаас уорганнарын кытары бииргэ үлэлэһэр Координационнай сэбиэт, уопсастыбаннай тэриллилэр кэнники биэс сыллааҕы үлэлэрин ырытыахпыт уонна инники былааннарын торумнуохпут”, - диэтэ.

krivoshap

Андрей Кривошапкин Ассоциация үлэтэ устаабынан көрүллүбүт соруктарынан салалларын эттэ. Ол курдук, хотугу аҕыйах ахсааннаах төрүт омуктар бырааптарын уонна интэриэстэрин туруорсуу, социальнай-экэнэмиичэскэй, айылҕа харыстабылын, култуура уонна үөрэх сайдыытыгар тыҥаабыт кыһалҕалары быһаарыы буолар. Кини сийиэс дэлэгээттэрин аатыттан өрөспүүбһлһкэ Ил Дарханыгар махталын биллэрдэ. “Ил Дархан көҕүлээһининэн биһиги өрөспүүбүлүкэбитигэр аҕыйах ахсааннаах хотугу норуоттар бырааптарын көмүскүүр боломуочунай института тэриллэн үлэлиир” диэн бэлиэтээтэ. Маны таһынан Андрей Кривошапкин дакылаатыгар Ил Дархан Арктика дьыалаларыгар судаарыстыбаннай кэмитиэт, гражданскай уопсастыба институттарын сайыннарыы министиэристибэтэ тэриллэн төрүт олохтоох аҕыйах ахсааннаах норуоттарыгар күүс-көмө буоларын эттэ.

2

Сийиэс кыттыылаахтарын РФ Уһук Илин, Сибиир, Уһук Хоту аҕыйах ахсааннаах төрүт олохтоох норуоттарын бэрэсидьиэнэ, Госдуума дьокутаата Григорий Ледков, норуоттары кытары дьыалаларга федеральнай ааҕыныстыба Управлениетын начаалынньыга Абдулгамид Булатов, Хабаровскай кыраай аҕыйах ахсааннаах төрүт омуктарын Ассоциациятын бэрэсидьиэнэ Любовь Одзял уо.д.а. эҕэрдэлээтилэр.

Сийиэс кэмигэр СӨ аҕыйах ахсааннаах төрүт омуктарын Ассоциациятын Устаабыгар эбии уларытыылары киллэриэхтэрэ итиэннэ саҥа бэрэсидьиэни, салалтаны талыахтара.

Тарҕат:

Добавить комментарий