Войти

Войти

Бэҕэһээ, тохсунньу 21 күнүгэр, Чурапчыга Олимпискай эрэллэр успуорт оскуола-интэринээттэригэр 19 оҕо уонна үс үлэһит аска сүһүрбүт.

“Күн-бүгүн 22 ыарыһах бэлиэтэннэ: 19 оҕо уонна оскуола 3 үлэһитэ. Бу оскуолаҕа уопсайа 450 оҕо үөрэнэр. Стационарга 20 киһи сытан эмтэнэр. Туруктара – орто ыарахан. Диагноз – “пищевая токскоинфекция””, - диэн Роспотребнадзор Саха сиринээҕи Управлениетын салайааччытын солбуйааччы Наталья Борисова иһитиннэрэр.

Кини этэринэн, биэдэмэстибэ улуустааҕы салаатын үлэһиттэрэ суһаллык миэстэтигэр тиийэн пищеблоктан ас анаалыһын ылан лабораторияҕа тиксэрбиттэр. Борисова “оскуолаҕа эрдэттэн биһигини кытары бигэрэппит менюларын тутуспатахтар” диэн эбэн эттэ.

“Билигин лаборатория чинчийиитин түмүктэрин кэтэһэбит. Эпидемиологическэй чинчийии салҕанан барар. Борокуратуураны кытары былааны таһынан бэрэбиэркэлииргэ сөбүлэстибит”, - диир Наталья Борисова.

Тарҕат:

Добавить комментарий

Бүтэһик сонуннар