СӨ Көлөҕө уонна суол хаһаайыстыбатын министиэристибэтигэр Өлүөхүмэ улууһугар аэропорт балаһатын өрөмүөнүн кэмигэр көтөр аалынан сырыы хайдахбуолуоҕун туһунан дьүүллэстилэр. Мунньаҕы миниистир Александр Тарасов иилээн ыытта. Министиэристибэ, улуус дьаһалтатын бэрэстэбиитэллэрэ, Ил Түмэн дьокутаата уонна көлө салаатын тэрилтэлэрин салайааччылара кытыннылар.
Өлүөхүмэ куорат аэропордун балаһатын сөргүтүү 2024 сылга диэри магистраль инфраструктуратын модернизациялааһын уонна кэҥэтии комплекснай былааныгар киирбитэ. Сүрүн үлэлэр номнуо быйыл ыытыллыахтара. Александр Тарасов этэринэн, сайыҥҥы кэмҥэ үлэ кулун тутар 31 күнүттэн саҕаланыахтаах. Аэропорт алтынньы 25 күнүттэн АН24 сөмөлүөттэри кыайан ылбат-көтүппэт буолуоҕа. Итинник хааччах сыл аҥарын устата барыаҕа. Кулун тутар 31-алтынньы 25 күнүгэр дылы “Полярные авиалинии” нэдиэлэҕэ иккитэ (оптуорунньук уонна субуота) АН-24 сөмөлүөттэрэ хааччаҕасуох көтүөхтэрэ. Кулун тутар 31 күнүттэн нэдиэлэҕэ 5 эриэйсэ оҥоһуллуоҕа. Бу кэмҥэ “ИрАэро” эмиэ көтөргө бэлэмнээҕин биллэрэр. Кинилэр АН-24 сөмөлүөттэрэ Иркутскай-Өлүөхүмэ хайысханан көтөрргө бэлэмнээхтэр. Уунан сырыы сайыҥҥы кэмҥэ улаатар чинчилээх. Реконстуркция ыытылларын кэмигэр пассажирдар ахсааннара уу суолунан икки төгүл улаатыан сөп. Олоҥхо Ыһыаҕын кэмигэр Өлүөхүмэҕэ дылы сырыы улаатыахтаах. Ити күннэргэ аэропорт түүннэри-күнүстэри үлэлииргэ бэлэм.
Оттон алтынньы 25 күнүттэн Өлүөхүмэҕэ дылы массыынанан эрэ сырыы баар буолуоҕа эбэтэр Ньурба аэропордунан стыковка эриэйсэ баар буолуоҕа. Саас өрүһүнэн сырыы баар буолуоҕа. Валерий Прокопьевдиэн урбаанньыт суол хаайар уонна аэропорт сабыллар кэмигэр эрэһиинэ олбохтоох “Хивустары” сүүрдэргэ бырайыактааҕын кэпсиир. Оччоҕо салгын тэллэхтээх суудунаҕа 25 киһини тиэйиэх этилэр. Кулун тутар бүтүүтэ маннык эриэйсэни үлэлэтэр былааннаахтар. Алтынньыга маннык эриэйсэ олус тоҕоостоох буолуо диэн кэпсиир.
Бу туһунан министиэристибэ пресс-сулууспата иһитиннэрэр.
