Войти

Войти

Эбээн-Бытантай улууһун “Бытантай” сүөһү иитэр хаһаайыстыбаҕа саха ынаҕын 44 % баар. 2018 сыллаахха манна 120 миэстэлээх саҥа хотон тутуллубута.

Салайааччы эбээһинэһин толорооччу Лена Бочкарева кэпсииринэн, 2019 сыл алтынньы 1 күнүнээҕи көрдөрүүнэн “Бытантайга” 270 төбө хороҕор муостаах баар. Олортон 77 ынах.

Бу ынахтар олус сыалаах, минньигэс үүтү, “мраморнай” эти биэрэллэр. Кинилэр тыйыс усулуобуйаҕа үөрүйэхтэр, улахан көрүүнү ирдээбэттэр уонна тымныы күннэргэ таһырдьа сылдьалларын куттамматтар”, – диэн кэпсиир.

Улууска уопсайа 790 төбө саха сүөһүтэ баар.  Олортон 316 ынах.

Ил Дархан Айсен Николаев “Бытантай”  хаһаайыстыбаҕа сылдьан Эбээн-Бытантайга саха сүөһүтүн улахан аҥара манна баарын бэлиэтээтэ. “Улуус дьаһалтатыгар уонна саха сүөһүтүн элбэтиигэ үлэлэһэр дьоҥҥо махталбын тиэрдиэм этэ. Биһиги саха сүөһүтүн төбөтүн  элбэтэргэ кэккэ миэрэлэри ыллыбыт. Бу үлэ тыа хаһаайыстыбатын министиэристибэтэ уонна өрөспүүбүлүкэ генофонд хааһынай тэрилтэтин үлэлэриттэн тутулуктаах. Ол барыта табыллыа диэммин эрэнэбин”, — диэн Ил Дархан бэлиэтээт.

ysia.ru/

Тарҕат:

Добавить комментарий