Олунньу 3 күнүттэн өрөспүүбүлүкэ олохтоохторо 2 %-наах чэпчэтиилээх ипэтиэкэни ыларга сайаапкаларын МФЦ 30 тахса филиалын нөҥүө биэриэхтэрэ. Бу туһунан ТАСС-ка СӨ бырабыыталыстыбатын бэрэссэдээтэлин солбуйааччы Кирилл Бычков секретариата иһитиннэрэр.
Кирилл Бычков этэринэн, ДОМ.РФ бааны кытта бииргэ үлэлиир туһунан дуогабар баттаммыт. Оттон Саха сиригэр – "Республиканскай ипотеснай агентва" (“РИА” АО) уонна СӨ многофункциональнай киинэ.
“Билиҥҥи туругунан "Республиканскай ипотечнай агентва" МФЦ 34 филиалын кытта үлэлиир схемата оҥоһулунна (Нерюнгри оройуонуттан уонна Дьокуускай куораттан ураты өрөспүүбүлүкэ бары оройуоннарыгар)”, – диэн Кирилл Бычков этэр.