Войти

Войти

Доруобуйа харыстабылын министиэристибэтэ иһитиннэрэринэн, быйыл Арктика улуустарыгар уопуттаах онкологтар нэһилиэнньэни көрө тиийиэхтэрэ.

“Быйыл онкодесант былаан быһыытынан Арктика зонатын ыраах улуустарыгар – Эбээн Бытантайга, Усуйаанаҕа, Булуҥҥа, Аллараа Халымаҕа, Өлөөҥҥө, Эдьигээҥҥэ, Муомаҕа, Өймөкөөҥҥө,  Аллайыахаҕа, Анаабырга, Үөһээ Дьааҥыга уонна Орто Халымаҕа нэһилиэнньэни көрө тиийиэҕэ. Быйыл тохсунньуга онкологтар Намҥа, Абыйга, Тааттаҕа уонна Чурапчыга сылдьыбыттара. Онно олохтоохтортон онкоцитология анаалыһын, дьахталлартан хапчаҕай (шейка матки) убаҕас цитологиятын, хаан онкомаркерун, ПЦР, 16-18 көрүҥҥэ ВПЧ инфекциятын чинчийэр анаалыстары уонна араас уорганнарга УЗИ оҥорбуттара. Маны таһынан онкологтар улуус быраастарыгар методическэй көмөнү оҥорбуттара. Ити мэдэссиинэ көрүүтүн түмүктэрин улуус балыыһаларыгар ыытыахтара уонна сүбэ-ама биэриэхтэрэ. Оттон искэн ыарыыга уорбаланар ыарыһахтары өрөспүүбүлкэтээҕи онкодиспансерга ыҥыран салгыы көрүөхтэрэ-истиэхтэрэ", — диэн министиэристибэ суруйар.

 

Тарҕат:

Комментарии

Защитный код Обновить