Мииринэйтэн Иркутскай куоракка диэри 2 000 солкуобайга соторутааҕыта диэри көтүтэллэрэ. Чуолкайдаан эттэххэ, Иркутскайга диэри биэнсийэлээх дьахталларга уонна 60 саастаах эр дьоҥҥо – 2 000 солк этэ.
Мииринэйтэн Иркутскайга диэри 2000 солк авиабилиэтинэн көтөн баран, Иркутскайтан Дьокуускайга диэри 4000 солк көтөн кэлбит оҕонньоттору, эмээхситтэри билэбин. Киһи да сонньуйар. Дьокуускайы булар туһугар Мииринэйинэн, Иркутскайынан, Саха сирин киин куоратыгар айаннааһын. Бу маннык олус чэпчэки, субсидиялаах айан аны уурайда. Мииринэйдээҕи салгын суолун ааҕыныстыбатыгар биллэрбиттэринэн, квота манна көрүллүбэтэх. Оттон Иркутскайга диэри көннөрү авиабилиэт 9000-10000 тыһ солк өрө барбат. Эмиэ наһаа ыарахана суох сыаналаах. Манна холоотоххо Дьокуускайбытыгар соҕуруу барар курдук айанныыбыт. Киһи хомойор. Мииринэйдэр Саха сирин олохтоохторо буолбатах курдукпут. Ол курдук, Мииринэйтэн Дьокуускайга диэри авиабилиэт ортотунан 15 000 солк. Биэнсийэлээхтэргэ – 12 000-13 000 солк. Тоҕо маннык куруук сүүйтэриилээҕий?
Станислав Алексеев, Мииринэй куората.
