Тииһиммэт уонна көмөҕө наадыйар дьоҥҥо итиии ситимигэр холбоноллоругар анаан аадырыстаах биир кэмнээх көмө оҥоһулларыгар быйыл Саха сиригэр 135 мөл. солк.көрүлүннэ. Бу туһунан үлэ уонна социальнай сайдыы миниистирэ Елена Волкова иһитиннэрэр.
Кэтэх дьиэни гааска холботууга материальнай көмөнү тииһинэн олоруу алын кээмэйигэр хапсыбат (биир киһиэхэ ортотунан дохуот 1,5 төгүл кыра буоллаҕына), маны таһынан дьиэннэн хааччыллыыга социальнай төлөбүрү ылбатах Аҕа Дойду Улуу сэриитин бэтэрээннэрэ ылар кыахтаныахтара (дохуоттарыттан тутулгуа суох). Кинилэргэ 100 тыһ.солк.дылы көмө харчы бэриллэр.
Оттон киин ититиигэ холбонорго дьиэ кэргэҥҥэ ортотунан тиһинэн олоруу алын кээмэйэ 1,5 төгүл кыра дохуоттаах буоллахтарына, соҕотох олорор үлэлээбэт биэнсийэлээхтэр (дохуоттара тииһинэн олоруу алын кээмэйиттэн 2 төгүл кыра буоллаҕына) итиэннэ дьиэннэн хааччылыыга социальнай төлөбүрү ылбатах Аҕа Дойду сэриитин кыттыылаахтара дохуоттарыттан тутулуга суох ылар бырааптаахтар. Кинилэргэ 1-кы зонаҕа (хоту улуустарга) 140 тыһ. солк дылы, оттон иккис зонаҕа (хоту улуустарыттан ураты) – 125 тыһ. солк. дылы көмө харчыта төлөнөр.
Маны таһынан, электрическэй ититиигэ холбонор улуустарга: Мииринэйгэ, Ленскэйгэ, Өлүөхүмэҕэ уонна 2019 сыл балаҕан ыйын 16 күнүгэр дылы Ньурба, Сунтаар улуустарыгар тэхэньиичэскэй усулуобуйаны ылбыт гражданнарга көмө көрүллэр. Ньурбаҕа уонна Сунтаарга маннык хааччах ноҕорууска улаханынан, уот ситимэ кыайбатынан сибээстээн оҥоһуллар.
Кыра дохуоттаах, итиэннэ урут дьиэнэн хааччыйыыга социальнай төлөбүрү ылбатах Аҕа Дойду Улуу сэриитин бэтэрээннэригэр дохуоттарыттан тутулуга суох 50 тыһ. солк. дылы көмө харчыны ылыахтарын сөп.
Ититии ситимигэр холбонорго социальнай көмөнү ыларга дьиэни бас билии докумуона, маны таһынан ититиини холбуур тэрилтэттэн холбонууга тэхэньиичэскэй усулуобуйа баар буоллаҕына биирдэ оҥоһуллар.
Бу төлөбүрү ыларга сиһилии олохтоох дьаһалтаҕа эбэтэр олохтоох социальнай харалта управлениетыгар билсиэххитин наада.
Бу туһунан министиэристибэ пресс-сулууспата иһитиннэрэр.
