Войти

Войти

Олунньу 15 күнүгэр Төрөөбүт тыл, сурук-бичик күнүн чэрчитинэн  Сахалыы диктант” аахсыйа ыытыллынна. Быйылгы аахсыйаҕа 25 улуус, ону таһынан, Москуба уонна Новосибирск куораттар кыттыыны ыллылар.

Москубаҕа сахалыы диктаны Щепкин аатынан үрдүкү театральнай училища устудьуоннара суруйдулар. Новосибирскайга Сибиирдээҕи судаарыстыбаннай телекоммуникация уонна информатика университетын базатыгар суруйдулар.

Оттон Дьокуускайга сахалыы диктаны 223 киһи суруйда. Диктаны култуура уонна духуобунай сайдыы миниистирэ Юрий Куприянов, “Саха” НКИХ диктора  Эдуард Рудых, ГТРК “Саха” шеф-эрэдээктэрэ   Руслана Максимова  уонна Дьокуускайдааҕы 26 №-дээх оскуола  саха тылын уонна литературатын учуутала  Марианна Борисова аахтылар. Ону таһынан, улуустарга уонна ХИФУ 150 устудьуон суруйда.

“Сахалыы диктант” 2014 сылтан ыытыллар. Тэрийээччилэр: СӨ култуура уонна духуобунай сайдыыга министиэристибэ өйөбүлүнэн Национальнай бибилэтиэкэ уонна ХИФУ  Хотугулуу-Илиҥҥи норуоттарын тылларын уонна култуураларын института.   

ysia.ru/

Тарҕат:

Добавить комментарий