“Үөрэхтээһин” национальнай бырайыак чэрчитинэн, Уус Алдан улууһун үс оскуолата саҥа оптуобустары ылла. Ол курдук Мүрүтээҕи “Уолан” гимназия, 2-с №-дээх орто оскуола уонна Өнөр орто оскуолата.
Улуус баһылыга Алексей Федотов “Уолан” гимназия уонна 2-с №-дээх оскуола дириэктэрдэригэр саҥа ПАЗ оптуобус оттон Өнөр орто оскуолатын дириэктэригэр “Газель” микроавтобус күлүүстэрин туттарда.
Саҥа оптуобустар аныгы ирдэбиллэргэ толору эппиэттииллэр. Оҕолор суумкаларын ууралларыгар аналлаах долбуур, эримиэн, суоппары кытта суһал сибээскэ тахсар кнопка бааллар.
