Войти

Войти

Биһиги, Саха сирин арҕаа эҥэрин олохтоохторо Оччугуй Ботуобуйаҕа халаан кэмигэр, төһөлөөх элбэхтэ хаайтарбыппытын, үрэҕи массыынанан кыайан туораабакка тимирэ сыһан, муҥу көрбүппүтүн ааҕан сиппэккин.


Тус бэйэм 2006 сыл сайыныгар, Саха сирин бырабыыталыстыбатыгар (оччолорго премьер солбуйааччыта Артур Алексеев) дьон кыһалҕатын, эрэйин-муҥун төлөпүөнүнэн кэпсээбитим. Артур Алексеев бэрт сайаҕастык, дьоһуннаахтык кэпсэппитэ, тыын боппуруоһу быһаартарыах буолбута.
Суол оҥорооччу тэрилтэ - МУАД салайааччыларыгар А.Кирсановка, А.Кондратьевка, кылаабынай инженер   А.Меньшовка, "Бүлүү" федеральнай суол генеральнай дириэктэригэр Н. Андреевка, кылаабынай инженер Г. Дарковичка Оччугуй Ботуобуйа булгуччу күргэлэнэрин туһугар чопчу ыйытыктары биэрбитим.
Бу боппуруоска анаан-минээн "Бүлүү" федеральнай суол хонтуоратыгар үлэһиттэри кытта кэпсэтэ Мииринэйтэн кэлэ сылдьыбытым. Оттон бу сытыы боппуруоска туһулаан нууччалыы-сахалыы балачча суруйбут буолуохтаахпын. Бэл олоҕум устата биирдэ эрэ таһаарбыт кинигэбин, "Берега Оччугуй Ботуобии" диэн ааттаабытым. Кинигэ таһын (иллюстрация) билигин күргэ тутулла турар сирэ киэргэтэр. Биир да сыл бу сытыы боппуруоһу таах хаалларбатаҕым. Бырабыыталыстыба отчуоттарыгар маны таһынан оччотооҕу Ил Дархан -Е.А. Борисов Мииринэй олохтоохторун кытары көрсүһүүлэригэр, чопчу ыйытыыларым эмиэ тиийбит буолуохтаахтар. Үгүс сыллардааҕы суруйууларым, туруорсуум үрдүкү саламтаҕа тиийдэ. Муоста тутулларын ситистибит.
Дьэ онон, күн-бүгүн олунньу ортотугар, Оччугуй Ботуобуйа үрэх күргэтин "ВССМ" тэрилтэ тута сылдьарын илэ харахпынан көрөн, дьэ санаам дьайҕарыахча буолла. Быйыл, 2020 сылга кыһыары күргэ тутуута бүтүөхтээх. Оннук эрэ буоллун!

672549930

Станислав Алексеев, Мииринэй куората. Ааптар хаартыскалара.

Тарҕат:

Добавить комментарий

Бүтэһик сонуннар