Дьокуускайга Соҕуруулуу-Илиҥҥи Азия дойдуларыттан кэлбит 22 киһини обсерватортан таһаардылар.
Бүгүн, олунньу 25 күнүнээҕи туругунан, Саха сиригэр коронавирус тула балаһыанньа этэҥҥэ. Хонтуруол кэмигэр Соҕуруулуу-Азия дойдуларыттан ОРВИ ыарыылаах 22 киһи кэлэн эмтэммит. 2 нэдиэлэлээх кэтээн көрүү кэнниттэн кинилэр дьиэлэригэр тахсыбыттар. Кимиэхэ да анаалыс кэннэ коронавирус баарын булбатахтар. Бу туһунан доруобуйа харыстабылын миниистирэ Елена Борисова кэпсээбит. Кини этэринэн, билигин обсерваторга 24 кытай киһитэ кэтээн көрүүгэ сытар.
Саҥа дааннайдар кэпсииллэринэн, күн-бүгүн аан дойдуга 80149 киһи коронавирустаабыт (суукка иһигэр 789 киһи эбиллибит), 2701 киһи өлбүт (+82) уонна 27626 киһи үтүөрбүт (+2663).
Европаҕа бу ыарыы ордук Италияҕа сытыырхайан турар. Бүтэһик чахчынан, 229 киһи ыалдьыбыта биллибит. Италияҕа оскуолалар, бибилэтиэкэлэр, галереялар, тыйаатырдар сабыллыбыттар. Оннооҕор Ватикаҥҥа дьон мустар тэрээһиннэрин боппуттар.
