Войти

Войти

Биһиги – олохтоох дьон, "МИР" карьертан аҥкылыйар сероводород сытыгар үөрэнэн хаалбыппыт. Кыра сыкка кыһаммаппыт. Оттон атын сиртэн кэлэр дьон Мииринэй аэропуордугар кэлээт да, бу амырыын сыты тута атыҥырыы түһэллэр.


Билигин карьер түгэҕэ ороһуоллаах уунан дэбилийэ сытар. Сыт баар. Уопсайынан, карьер туругун кичэллээх тургутуу барар.
Маны "Якунипроалмаз" институт үлэһиттэрэ кэтээн көрөллөр.
Соторутааҕыта   Мииринэйгэ ситэриилээх былаас отчуотугар, олохтоох дьон сероводород уонна карьер аттынан ааһар тиэхиньикэ салгыҥҥа таһаарар буортулаах дьайыыларын кэтиир тэриэбэ-табло туруохтаах диэн модьуйдулар.
Маны сэргэ 2017 сылтан ыла хаалларыллыбыт "МИР" рудник умнастары тоҥорорго анаан аммиак кутуллара. Онон инникитин руднигы "тилиннэрэн" үлэлэтэр түгэннэригэр, маннык информативнай табло баара баа буолбатах.
Даҕатан эттэххэ, руднигы "тилиннэрии" үлэлэрэ ыытыллыахтара диэн этиллибитэ. Онон маны учуоттаан, нэһилиэнньэ истэ-билэ олороругар табло "МИР" карьер үрдүгэр туруоруутун боппуруоһугар, олохтоох былаас болҕомтотун хатыах буолла.

Станислав Алексеев, Мииринэй куората.

Тарҕат:

Комментарии

You have no rights to post comments

Бүтэһик сонуннар