Олунньу 26 күнүгэр Ньурба улууһун Маалыкай нэһилиэгэр, “Айар киин” диэн норуот айар үлэтин киинэ саҥа дьиэҕэ киирдэ.
Бэдэрээтчит “ДСА” бырайыактыыр хампаанньа. Ааспыт сылга өрөспүүбүлүкэ салалтатын отчуотун кэмигэр, СӨ баайга-дуолга уонна сир сыһыаннаһыыларыгар миниистирэ Евгения Григорьева кыттыылаах, саҥа дьиэ бастакы сыбаайатын түһэрии сиэрэ-туома ыытыллыбыта. Сыл иһигэр саҥа эбийэк үлэҕэ киирдэ.
Евгения Григорьева саҥа тэрил ыларга 500 тыһ солк суумалаах грант биэрдэ. Бу үөрүүлээх күҥҥэ тутааччылар, норуот айар үлэтин дьиэтин үлэһиттэрэ уо.д.а. наҕараадаланнылар. Үөрүүлээх тэрээһини айар кэллэктииптэр, норуот маастардарын быыстапката киэргэттэ.
