Кулун тутар 25 күнүгэр Чурапчы улууһа тэриллибитэ 90 сылын бэлиэтиэҕэ. Бу ый 26-27 күннэригэр Дьокуускай куоракка Чурапчы улууһун күннэрэ ыытыллыаҕа.
Ол курдук үөрэх, култуура, тутуу, тыа хаһаайыстыбатын эйгэтигэр быыстапка, Өксөкүлээх Өлөксөй аатынан Норуоттар доҕордоһууларын дьиэтигэр үөрүүлээх тэрээһин уонна “Чурапчы” ТХПК бородууксуйатын дьаармарката буолуоҕа.
Кулун тутар 27 күнүгэр Улуу Кыайыы 75 сылыгар анаммыт “Алаас ахтылҕана” диэн тэрээһин ыытыллыаҕа. Арыылаах нэһилиэгин олохтооҕо, худуоһунньук, Аҕа дойду сэриитин кыттыылааҕа Петр Терентьевич Карсанаевы чиэстиэхтэрэ. Ону таһынан, кырдьаҕастар уонна инбэлииттэр дьиэлэригэр олорор биир дойдулаахтарыгар улахан болҕомто ууруллуоҕа.
