Войти

Войти

Оттон соҕурууттан баахта үлэһиттэрэ ааллаан кэлэллэригэр ким да кыһаммат. Кэлэр нэдиэлэҕэ Саха академическай тыйаатыра “Якутск” УТКЦ-га үс испиэктээги көрдөрүөхтээх этэ. Ол кыккыраччы бобулунна. Бу эрэ буолбатах, Орто Азия норуоттарын Наурыз бырааһынньыга эмиэ тохтотулунна. “Алмаас” култуура дыбарыаһыгар буолуохтаах, “Духовные грани АЛРОСА” күрэс эмиэ тохтуурга күһэлиннэ.

Оҕо бырааһынньыктара, ыччат араас хабааннаах түмсүүлэрэ бобулуннулар. ХИФУ Мииринэйдээҕи политехническэй института күргүөмүнэн дистанционнай үөрэххэ көстүлэр. Манна Дьокуускайга курдук устудьуоннары дьиэлэригэр тарҕатарга сорумматылар. Уопсайдарын босхолуулларыгар модьуйбатылар. МПТИ устудьуоннара уопсайдарыгар олорон “скайп” нөҥүө үөрэниэхтэрэ, семинардарга кыттыахтара, зачеттарын туттарыахтара. Элбэх киһи сылдьар “Мои документы” киинэ саҥа ньымалары киллэрэн, манна кэлэн уочараттааһын уурайда. Барыта “он-лайн” бэрээдэгинэн үлэҕэ көстө. Аны хомунаалканы, уоту-күөһү төлүүр РКЦ тэрилтэ, почта маннык дьаһаннахтарына “хааһы да саламаат” буолар. Үөһэттэн ыар дьаҥ тарҕанар кутталын утары кытаанах бэрээдэк, биллэн турар, күчүмэҕэй быһыы-майгы усулуобуйатыттан сэдиптэммитэ өйдөнөр. Оччотугар наһаа халадыйыы, сэрэнии-сэппэнии миэрэлэрэ күүһүрдэхтэринэ, устудьуоннар үөрэхтэрин бүтэрбэттэригэр тиийэллэр. Интэриниэти билбэт киһи тустаах докумуонун толорбокко хаалар. Росреестр хамсаабат баай атыытын сөбүлэһиилэрин, миэстэтигэр дьон тоҕуоруһуутун кыччатта да эмиэ элбэх киһи “отоойкоҕо” олорор. Ханнык да мунньахтар ыытыллыбаттар. Үлэ дьаарбаҥкалара буолбаттар. Элбэх киһи мустара кыккыраччы бобуллар буоллаҕына, сыбаайбалар, үбүлүөйдэр эмиэ бобуллаллар дуо? Оттон күҥҥэ сүүһүнэн киһи сылдьар бородуукта, табаар маҕаһыыннара, ырыынактар хайдах буолаллар? Бу быһыыны-майгыны наһаа күүркэппэккэ, сиэрдээхтик көрүөххэ баар этэ. Сылга быһа холоон түөрт тыһыынча киһи кэлэр. Ол “аартыктарын” сыныйан бэрэбиэркэлиэхтээхтэр этэ. Мииринэй, Ленскэй, Таалакаан аэробаксаалларын, “Усть-Кут-Мииринэй” суолун. Элбэх баахта үлэһитэ соҕурууттан ааллаан кэлэр. Кинилэри сыныйан хонтуруоллууллара буолуо дии саныыгыт дуо? Саарбахтыыбын. Оттон ханна да барбат, кэлбэт, онто да суох бүтэйдик олорор дьону ыган-түүрэн бардылар. Бу сиэрдээх дуо?

 Станислав Алексеев. Мииринэй куората.

 

Тарҕат:

Добавить комментарий

Бүтэһик сонуннар