Войти

Войти

Чурапчы улууһун Одьулуун нэһилиэгэр 40 миэстэлээх уонна Чурапчытааҕы кэллиэс уопсайыгар 14 миэстэлээх обсерватордары бэлэмнииллэр. Бу туһунан улуус дьаһалтатын пресс-сулууспата иһитиннэрэр.

Ыксаллаах быһыы-майгы буолар түгэнигэр, ЧИФКиС уопсайын үлэлэтэргэ бэлэмнэр. Манна тас дойдулартан кэлбит, ыарыы сибикитэ суох уонна ыалдьыбыт киһини кытта алтыспыт дьону олордуохтара.

Улуус баһылыга Андрей Ноговицын суһал штаб үлэһиттэрин кытта обсерватордары кэрийэн көрдө, усулуобуйаны билистэ. Устудьуоннар дистанционнай үөрэххэ көһөннөр, билигин уопсай кураанах турар.

Маннык обсерватордар хоруона вируһа тарҕаммыт дойдулартан кэлбит доруобай дьону бэрэбиэркэлииргэ, кэтээн көрүүгэ анаан арыллаллар диэн пресс-сулууспа үлэһиттэрэ бэлиэтииллэр.

news.ykt.ru/

Тарҕат:

Добавить комментарий

Бүтэһик сонуннар