Уус Алдан улууһун Түүлээх нэһилиэгэр “Ийэҕэ албан аат” скверин туталлар. Бу бырайыак Арассыыйа бэрэсидьиэнин гранын көмөтүнэн олоххо киирэн эрэр.
Саҥа сквергэ элбэх оҕолоох ийэлэр ааттарын үйэтитэр сир уонна оҕолорго аналлаах оонньуур былаһаакка баар буолуоҕа. Олохтоохтор 76 кв м иэннээх сири ыраастаан, бэлэмнээн биэрбиттэр. Тутуу үлэтэ ааспыт сыл балаҕан ыйыттан саҕаламмыт. Сквер үөрүүлээх арыллыыта ыам ыйыгар былааннанар.
